وزارت اطلاعات و نشریات نے تخلیق کے اظہار کے نام پر فحاشی اور بیہودگی کی تشہیر کے ذمہ دار ۱۸؍ او ٹی ٹی پلیٹ فارمز اور ان سے جڑی ویب سائٹ اور ایپس کے خلاف کارروائی کی۔ اس کے علاوہ ان سے جڑے سوشل میڈیا اکائونٹس بھی ہندوستان میں عوام کیلئے غیر فعال ہوگئے ہیں۔

حکومت نے جمعرات کو کہا کہ اس نے فحش اور بیہودہ مواد شائع کرنے کیلئے ۱۸؍ او ٹی ٹی پلیٹ فارمز اور ان سے وابستہ سوشل میڈیا اکاؤنٹس کو بند کرنے کی کارروائی کی ہے۔ ایک بیان میں، اطلاعات و نشریات کی وزارت نے کہا کہ ۱۸؍او ٹی ٹی پلیٹ فارمز اور ۱۹؍ویب سائٹس، ۱۰؍ایپ (سات گوگل پلے اسٹور پر، تین ایپل ایپ اسٹور پر)، اور ان سے وابستہ ۵۷؍ سوشل میڈیا اکاؤنٹس کو ہندوستان میں عوام کی رسائی کیلئے غیر فعال کر دیا گیا ہے۔ 

Ministry of I&B blocks 18 OTT platforms for obscene and vulgar content after multiple warnings; 19 websites, 10 apps, 57 social media handles of OTT platforms blocked nationwide. @PIB_India @MIB_India pic.twitter.com/5TGrQu5wrn

— DD News (@DDNewslive) March 14, 2024

مرکزی وزیر برائے اطلاعات و نشریات انوراگ ٹھاکر نے او ٹی ٹی پلیٹ فارم کی ذمہ داری پر زور دیا ہے کہ وہ `تخلیقی اظہار کی آڑ میں فحاشی، ہیجان انگیزی اور بدزبانی کی تشہیر نہ کریں۔ 
 بیان میں کہا گیا ہے کہ حکومت کی دیگر وزارتوں /محکموں اور میڈیا اور تفریح، خواتین کے حقوق اور بچوں کے حقوق میں مہارت رکھنے والے ڈومین ماہرین کے ساتھ مشاورت کے بعد او ٹی ٹی پلیٹ فارم کے خلاف کارروائی کا فیصلہ انفارمیشن ٹیکنالوجی ایکٹ ۲۰۰۰ء کی دفعات کے تحت کیا گیا تھا۔