بعض مصنوعات کی قیمتوں میں اضافے کے حوالے سے عوام کی جانب سے موصول ہونے والی متعدد شکایات کے بعد حکومت نے کچھ ای کامرس پلیٹ فارمز پر سوالات بھیجے ہیں جن سے قیمتوں میں اضافے کی وضاحت طلب کی گئی ہے۔

ای کامرس پلیٹ فارم آپریٹرز۲۲؍ ستمبر کو لاگو ہونے والے جی ایس ٹی ۲؍ کے تحت شرحوں میں وسیع  تخفیف  کے باوجود بعض اشیاء کی قیمتوں میں اضافے کے لیے حکومت کی جانچ کے  دائرے میں آگئے  ہیں۔ایک سرکاری اہلکار نے کہاکہ ’’بہت سے صارفین نے جی ایس ٹی کی شرح میں کمی کے بعد بھی کچھ اشیاء کی قیمتوں میں اضافے کی شکایت کی ہے۔ ہم نے اس بارے میں ای کامرس آپریٹرز سے پوچھا ہے۔ جی ایس ٹی میں کٹوتی کے بعد قیمتوں میں کمی کی حد ان پر منحصر ہے، لیکن اگر کسی چیز پر جی ایس ٹی کی شرح کم کی گئی ہے تو کم از کم قیمتوں میں اضافہ نہیں ہونا چاہیے۔

یہ بھی پڑھیئےَ:ملک میں ارب پتیوں کی تعداد بڑھ کر ۳۵۸؍ ہو گئی

پروڈکٹ کیٹیگریز میں قیمت کی تبدیلیوں کی نگرانی کرنا
حکومت ای کامرس پلیٹ فارمز پر عام طور پر استعمال ہونے والی اشیاء کی قیمتوں میں تبدیلی پر گہری نظر رکھے ہوئے ہے۔ حکام اس بات کی نگرانی کر رہی ہے کہ آیا۲۲؍ ستمبر کو جی ایس ٹی کی شرح میں کٹوتی شروع ہونے سے پہلے اور بعد میں قیمتوں میں کوئی تبدیلی ہوئی ہے یا نہیں۔ گزشتہ ہفتے ایک سینئر سرکاری اہلکار نے تصدیق کی کہ حکام ٹیکس کٹوتی کے بعد صارفین کو حاصل ہونے والے فائدہ  کی قریب سے نگرانی کر رہے ہیں۔
قبل ازیں۹؍ ستمبر کو، محکمۂ محصولات نے مرکزی جی ایس ٹی علاقوں کے پرنسپل چیف کمشنروں اور چیف کمشنروں کو ہدایت کی کہ وہ۵۴؍ مصنوعات کے زمروں میں اشیاء کے حساب سے قیمتوں کا ڈیٹا مرتب کریں، جن میں ایف ایم سی جی، خوراک اور تعلیمی اشیاء، دواسازی، سیمنٹ اوردیگر سامان شامل ہیں۔ علاقائی دفاتر سے کہا گیا کہ وہ اس کام کو ’ترجیح‘  دیں   اور سینٹرل بورڈ آف بالواسطہ ٹیکس اور کسٹمز (سی بی آئی سی) کو اگلے ۶؍ مہینوں کے لیے ہر ماہ کی۲۰؍ تاریخ تک رپورٹیں جمع کروائیں، جس کی پہلی رپورٹ ۳۰؍ ستمبر کو پیش کی جائے گی۔
 زیادہ تر اشیاء کی قیمتوں میں کمی کر دی گئی ہے حالانکہ کچھ پروڈکٹس میں ابھی تک غیر فروخت شدہ اسٹاک کی وجہ سے نظر ثانی نہیں کی گئی ہے۔ دریں اثنا، حکومت کو نیشنل کنزیومر ہیلپ لائن پر جی ایس ٹی سے متعلق تقریباً ۳۰۰۰؍ شکایات موصول ہوئی ہیں۔