اس میم فیسٹ کے دوران، اپوزیشن لیڈر راہل گاندھی کا ٹیمپلیٹ بھی وائرل ہوگیا۔ سوشل میڈیا پر کانگریس کے ذریعے پوسٹ کی گئی گاندھی کی تصویر گردش کرنے لگی جس پر ”گیانیش، اِٹس ڈن برو“ (Gyanesh, it`s done bro) کا کیپشن درج تھا۔ اس تصویر کے ذریعے کانگریس نے اپنے الزامات کو دہرایا کہ چیف الیکشن کمشنر اس پورے عرصے میں درپردہ بی جے پی کی ٹیم کا حصہ رہے ہیں۔

الیکشن کمیشن کے اندرونی تنازع پر ’دی انڈین ایکسپریس‘ کی تحقیقاتی رپورٹ کو ابھی سامنے آئے زیادہ وقت بھی نہیں ہوا تھا کہ میمز بنانے والے سوشل میڈیا صارفین میدان میں کود پڑے۔ انتخابی کمیشن کے تین رکنی ڈھانچے میں دراڑوں کی رپورٹس کے چند ہی گھنٹوں کے اندر، سوشل میڈیا پلیٹ فارمز ایکس اور انسٹاگرام پر صارفین نے اس پورے معاملے کو باقاعدہ میمز فیسٹوی میں تبدیل کر دیا۔

سب سے پہلے آٹو رکشا والی ایڈیٹنگ سامنے آئی۔ ایک کارٹون میں چیف الیکشن کمشنر گیانیش کمار کو الیکشن کمیشن کے برانڈ والے آٹو کے اسٹیئرنگ سیٹ پر دکھایا گیا ہے، جبکہ کمشنرز سکھبیر سنگھ سندھو اور وویک جوشی پیچھے تنگ جگہ میں بیٹھے پلے کارڈز تھامے ہوئے ہیں جن پر ”۱۴ اعتراضات“ لکھا ہے۔ تنازع کے پس منظر میں اس پوسٹ کا پوشیدہ مفہوم خود بخود واضح ہو جاتا ہے کہ دراصل الیکشن کمیشن کی گاڑی کو چلا کون رہا ہے؟

یہ بھی پڑھئے: الیکشن کمشنروں کی تقرری کے قانون پرآئینی بنچ میں سماعت

اس میم فیسٹ کے دوران، اپوزیشن لیڈر راہل گاندھی کا ٹیمپلیٹ بھی وائرل ہوگیا۔ سوشل میڈیا پر کانگریس کے ذریعے پوسٹ کی گئی گاندھی کی تصویر گردش کرنے لگی جس پر ”گیانیش، اِٹس ڈن برو“ (Gyanesh, it`s done bro) کا کیپشن درج تھا۔ اس تصویر کے ذریعے کانگریس نے اپنے الزامات کو دہرایا کہ چیف الیکشن کمشنر اس پورے عرصے میں درپردہ بی جے پی کی ٹیم کا حصہ رہے ہیں۔

دریں اثنا، کولکاتا میں گزشتہ سال ۲۳ ستمبر کو بادل پھٹنے سے آنے والے ریکارڈ سیلاب کی تصویر بھی اس میم فیسٹ کا حصہ بن گئی۔ کسی نے سیلاب کی تصویر شیئر کرتے ہوئے لکھا: ”پچھلے سال آج کی صبح کولکاتا۔ یہ ٹی ایم سی کی ترقی کا عروج تھا“ اس پوسٹ پر ایک صارف نے طنزیہ لہجے میں تبصرہ کیا: ”اور پھر الیکشن میں بی جے پی کی فتح کو یقینی بنانے کیلئے گیانیش کمار آگئے۔“ یہ کافی تیکھا طنز تھا، سوشل میڈیا صارفین نے اسے خوب پسند کیا۔ 

یہ بھی پڑھئے: گیانیش کمار کی گرفتاری، دوبارہ الیکشن اور ایس آئی آر پر روک کی مانگ

سوشل میڈیا پر گردش کرنے والے ایک کارٹون میں دو الیکشن کمشنرز کے ۱۴ باضابطہ اعتراضات کو لفظی طور پر کچرے کے ڈبے میں پھینکتے ہوئے دکھایا گیا، جس کے ساتھ یہ کیپشن لگایا گیا کہ انہیں نظر انداز نہیں کیا گیا بلکہ صرف ”محفوظ“ کیا گیا ہے۔ یہ میم انتہائی کاٹ دار اور کسی حد تک ہر جگہ کی بیوروکریسی کے مزاج کے عین مطابق تھا۔

تاہم، سب سے زیادہ توجہ ۱۹۹۷ء کی فلم ”عشق“ کے منظر کو استعمال کرکے بنائے گئے ایک ریٹرو ایڈٹ کو ملی جس میں عامر خان اور اجے دیوگن کو سندھو اور جوشی کے روپ میں دکھایا گیا ہے، جو چیختے ہوئے اپنی جان بچانے کیلئے ایک پائپ سے چمٹے ہوئے ہیں جبکہ ”گیانیش کمار“ اسی سہارے کو کاٹ رہے ہیں جس پر وہ لٹکے ہوئے ہیں۔ یہ بالی ووڈ اور بیوروکریسی کے گٹھ جوڑ کی بدترین بدنظمی کی ایک عمدہ تصویر کشی تھی۔

یہ بھی پڑھئے: بی جے پی نے ہمیشہ کی طرح نہایت ڈھٹائی سے الیکشن کمیشن کا کھل کر دفاع کیا

اس میم فیسٹ کے چلتے، خود الیکشن کمیشن کا ترنگا لوگو بھی اس تصویری جنگ سے محفوظ نہ رہ سکا۔ تین پٹیوں کے معمول کے مطابق ترتیب میں کھڑے ہونے کے بجائے، ان میں سے دو مکمل طور پر ٹوٹ کر الگ ہو چکی ہیں، جن پر جلی حروف میں ”ہمیں اعتراض ہے“ لکھا ہوا ہے۔