وارانسی عدالت نے اے ایس آئی کو گیان واپی مسجد کے سروے کی سائنسی رپورٹ پیش کرنے کیلئے مزید ۱۰؍ دن کی مہلت دی ہے۔ خیال رہے کہ ۲؍ دن قبل اے ایس آئی نے وارانسی عدالت سے سائنسی رپورٹ پیش کرنے کیلئے مزید ۲۱؍دن مانگے تھے جس کی مسجد کمیٹی نے مخالفت کی تھی۔ تاہم ، ایک ماہ قبل مکمل کئےگئے سروے کے بعد عدالت نے چوتھی مرتبہ اے ایس آئی کورپورٹ پیش کرنے کیلئے دیئے گئے وقت میں توسیع کی ہے۔

وارانسی ضلعی عدالت نے اے ایس آئی کو گیان واپی مسجد کے اے ایس آئی سروے کی سائنسی رپورٹ پیش کرنے کیلئے مزید ۱۰؍ دن کی مہلت دے دی ہے۔ خیال رہے کہ ایک ماہ قبل مکمل ہو گئے سروے کے بعد کورٹ نے چوتھی مرتبہ اے ایس آئی کو سائنسی رپورٹ پیش کرنے کیلئے دیئے گئے وقت میں توسیع کی ہے۔ ۲؍ دن قبل اے ایس آئی نے مسجد کے سروے کی سائنسی رپورٹ پیش کرنے کیلئے عدالت سے مزید ۲۱؍ دن کی مانگ کی تھیجس کی مسجد کمیٹی نے مخالفت کی تھی۔ ۲۱؍ جولائی کو وارانسی عدالت نے اے ایس آئی کو مسجد کا سروے کرنے کی ہدایت جاری کی تھی۔
گزشتہ سال اپریل میں عدالت نے ۲؍ خواتین کی جانب سے داخل کی گئی درخواست پر مسجد کے ویڈیو سروے کا حکم دیا تھا۔ مسجد کا سروے اس لئے کیا جارہا ہے تا کہ یہ معلوم کیا جا سکے کہ کیا یہ مسجد کسی ٹیمپل پر بنائی گئی ہے یا نہیں۔تاہم ، سپریم کورٹ کے حکم کے مطابق وضو خانے کو سروے کی حدود سے باہر رکھا گیاہے۔ یہ مسجد کاشی وشووناتھ ٹیمپل کے بازو میں موجود ہے۔