۴؍مفت نقد لین دین کے بعد۱۵۰؍ روپے فیس، ایچ ڈی ایف سی بینک نے کم ازکم بیلنس کی حد بھی بڑھا دی ہے-

آئی سی آئی سی آئی کے بعد ایچ ڈی ایف سی نے بھی اپنے قوانین میں تبدیلی کردی ہے۔ اب ایچ ڈی ایف سی کے مفت ٹرانزیکشنز کی تعداد پہلے کی طرح چار رہے گی تاہم اس کے بعد ہر ٹرانزیکشن پر۱۵۰؍ روپے فیس وصول کی جائے گی۔ بینک کے اس فیصلے کا براہ راست اثر چھوٹے اور متوسط طبقے کے صارفین کی جیب پر پڑ سکتا ہے۔
ایچ ڈی ایف سی بینک نے اپنے بچت کھاتہ داروں کے لیے نقد لین دین کے قوانین میں بڑی تبدیلی کی ہے۔ اب صارفین کو ہر ماہ صرف ایک  لاکھ روپے تک کی نقد لین دین (خود اور تیسرے فریق دونوں) کی مفت سہولت ملے گی  جبکہ پہلے یہ حد۲؍ لاکھ روپے تھی۔
مفت ٹرانزیکشنز کی تعداد پہلے کی طرح چار رہے گی لیکن اس کے بعد ہر نقد لین دین پر۱۵۰؍ روپے فیس وصول کی جائے گی۔ بینک کے اس فیصلے کا براہ راست اثر چھوٹے اور متوسط طبقے کے صارفین کی جیب پر پڑ سکتا ہے۔

یہ بھی پڑھیئے:جی ایس ٹی میں اصلاح اور ٹیکس میں کمی کا وعدہ

کم ازکم بیلنس کی حد بھی بڑھا دی گئی ہے
آئی سی آئی سی آئی  بینک کے بعد اب ملک کے سب سے بڑے نجی بینک ایچ ڈی ایف سی  بینک نے اپنے کھاتہ داروں کو بڑا جھٹکا دیا ہے۔ ایچ ڈی ایف سی بینک نے بچت اکاؤنٹ کے لیے کم از کم بیلنس کی حد میں اضافہ نہیں کیا ہے۔حالانکہ اس سے قبل نجی بینک کے نئے اصول کے مطابق کھاتہ داروں کے لیے ایچ ڈی ایف سی بینک کے سیونگ اکاؤنٹ میں کم از کم ۲۵۰۰۰؍ روپے رکھنا لازمی قرار دیا گیا تھا لیکن بعد میں بینک نے اس کی وضاحت کی کہ یہ بیلنس ۱۰؍ہزار روپے ہی رہے گا۔ یہ  قانون یکم  اگست ۲۰۲۵ء سے نافذ ہو گیا ہے۔ ایسی صورت حال میں یہ اصول ان صارفین پر لاگو ہو گا جو یکم اگست کو یا اس کے بعد اپنا اکاؤنٹ کھولیں گے۔
 ایچ ڈی ایف سی بینک کا نیا اصول تمام میٹرو اور  چھوٹے  شہروں میں نافذ ہو گیا ہے۔ اس سے پہلے ایچ ڈی ایف سی بینک کے سیونگ اکاؤنٹ میں کم از کم ۱۰۰۰۰؍ روپے ہمیشہ رکھنا لازمی تھا۔