ہندوستانی اسکواش کے لیے اتوار ایک تاریخی دن تھا! ہندوستان نے فائنل میں ہانگ کانگ کو شکست دے کر پہلی بار اسکواش ورلڈ کپ ۲۰۲۵ء کا خطاب اپنے نام کر لیا ہے۔ اس فتح کے ساتھ، ہندوستان آسٹریلیا، انگلینڈ اور مصر کے بعد اسکواش ورلڈ کپ جیتنے والا چوتھا ملک بن گیا ہے۔

ہندوستانی اسکواش کے لیے اتوار  ایک تاریخی دن تھا!  ہندوستان نے فائنل میں ہانگ کانگ کو شکست دے کر پہلی بار اسکواش ورلڈ کپ ۲۰۲۵ء کا خطاب اپنے نام کر لیا ہے۔ اس فتح کے ساتھ،  ہندوستان آسٹریلیا، انگلینڈ اور مصر کے بعد اسکواش ورلڈ کپ جیتنے والا چوتھا ملک بن گیا ہے۔ دوسری سیڈیڈ ہندوستانی مکسڈ ٹیم نے ٹورنامنٹ میں شاندار کارکردگی کا مظاہرہ کیا اور فائنل تک ایک بھی میچ نہیں ہارا۔
 پی ایس اے رینکنگ میں ۷۹؍ویں نمبر پر موجود تجربہ کار جوشنا چنپا نے خواتین کے سنگلز مقابلے میں دنیا کی نمبر ۳۷؍ لی کا یی کو۱۔۳؍ سے ہرا کر  ہندوستان کو شاندار آغاز فراہم کیا۔ ایشین گیمز کے میڈلسٹ ابھے سنگھ نے مردوں کے سنگلز مقابلے میں شاندار کارکردگی  پیش کی اور۴۲؍ویں نمبر کے الیکس لاؤ کو ۰۔۳؍سے شکست دے کر ہندوستان کی برتری ۰۔۲؍کر دی۔

History scripted, racquets raised!

Team India clinches the SDAT Squash World Cup 2025, delivering a performance powered by grit, unity, and world-class excellence. From relentless rallies to championship composure, this team showed what it truly means to wear the tricolour with… pic.twitter.com/zYM3s1ThEP

— SAI Media (@Media_SAI) December 15, 2025

تاریخی خطاب اور فتح کو یقینی بنانے کی ذمہ داری صرف ۱۷؍سالہ نوجوان کھلاڑی اناہت سنگھ پر تھی۔ دنیا کی نمبر۳۱؍ ٹوماٹو ہو کے خلاف،۲۸؍ویں نمبر کی اناہت سنگھ نے دباؤ کو بہترین طریقے سے سنبھالا اور تیسرے میچ میں ۰۔۳؍ سے زبردست کامیابی حاصل کی۔ اناہت کی اس فتح کے ساتھ ہی ہندوستان نے فائنل ۰۔۳؍ سے جیت لیااور قومی چیمپئن ویلون سینتھل کمار کو چوتھے مردوں کے سنگلز میچ میں کورٹ میں اترنے کی ضرورت ہی پیش نہیں آئی۔ ہندوستان نے گروپ مرحلے میں سوئٹزرلینڈ اور برازیل کو ۰۔۴؍ سے شکست دی تھی  اور کوارٹر فائنل میں جنوبی افریقہ  جبکہ سیمی فائنل میں دو بار کے چیمپئن مصر کو بھی ۰۔۳؍ سے ہرا کر فائنل میں اپنی جگہ بنائی تھی۔ 

یہ بھی پڑھئے:رنبیر کپور کا شاہ رخ خان سے مقابلہ، عالیہ بھٹ کی بھی انٹری!

ادیشہ ماسٹرس میں  ہندوستان کا غلبہ:اُنتی ہڈا اور کرن جارج نے خطابات جیتے
 ادیشہ ماسٹرس۲۰۲۵ء بیڈمنٹن ٹورنامنٹ میں  ہندوستانی کھلاڑیوں نے شاندار کارکردگی کا مظاہرہ کرتے ہوئے خواتین اور مردوں کے سنگلز کے خطابات اپنے نام کر لیے۔ خواتین سنگلز کے فائنل میں ٹاپ سیڈ اُنتی ہڈا نے عمدہ کھیل پیش کرتے ہوئے اپنی ہم وطن ایشورانی بروا کو۱۷۔۲۱، ۱۰۔۲۱؍  سے شکست دی۔ عالمی رینکنگ میں ۲۸؍ویں نمبر پر موجود اُنتی نے آغاز سے ہی مقابلے پر مکمل کنٹرول رکھا اور یہ ان کا تیسرا  بی ڈبلیو ایف سپر ۱۰۰؍ خطاب ثابت ہوا۔ شکست کے باوجود ایشورانی بروا نے چاندی کا تمغہ جیت کر یادگار اختتام کیا۔

یہ بھی پڑھئے:بیشتر ریاستوں میں آئندہ دنوں شدید سردلہر کی وارننگ

مردوں کے سنگلز فائنل میں دوسری سیڈ کرن جارج نے سنسنی خیز مقابلے میں انڈونیشیا کے محمد یوسف کو تین گیمز  میں  شکست دے کر خطاب اپنے نام کیا۔ ایک گھنٹے تک جاری رہنے والے مقابلے میں کرن جارج نے زبردست حوصلے اور تکنیکی مہارت کا مظاہرہ کیا۔ مکسڈ ڈبلز میں انڈونیشیا کے مروان فاضا اور عائشہ پراناتا نے کامیابی حاصل کی  جبکہ خواتین ڈبلز میں بلغاریہ کی اسٹوئیوا بہنوں نے ملائیشیا کی جوڑی کو شکست دی۔ مردوں کے ڈبلز کا خطاب بھی انڈونیشیا کے نام رہا۔