ناگپور رائے پور قومی شاہراہ پر پیش آنیوالے حادثے کے مہلوکین میں۳؍ بچے شامل، متعدد زخمی۔

ضلع میں جمعہ کی صبح ایک خوفناک حادثہ تین چھوٹے بچوں سمیت ۸؍افراد ہلاک ہوئے ہیں۔ تقریباً ۹؍افراد زخمی ہوئے جنہیں علاج کے لئے اسپتال میں داخل کیا گیا ہے۔ یہ حادثہ ناگپور-رائے پور قومی شاہراہ پر پمپلگاؤں روڈ پر پیش آیا جب ٹرک اور ایک پک اپ وین آمنے سامنے ٹکرا گئی۔ موصولہ اطلاعات کے مطابق حادثہ جمعہ کو صبح سویرے پیش آیا۔ پمپلگاؤں روڈ پر بھاؤ ڈھابہ کے قریب ایک ٹرک اور پک اپ کار آمنے سامنے ٹکرا ئے۔

یہ بھی پڑھئے: ’’یہ حتمی لڑائی ہے، مراٹھا سماج متحد ہو‘‘

اس دلدوز حادثے میں ۸؍افراد موقع پر ہی ہلاک ہوگئے، ابتدائی معلومات کے مطابق مرنے والوں میں بچے بھی شامل ہیں۔اس لرزہ خیز حادثے کی اطلاع پولیس کو دی گئی،جس کے بعد پولیس کی ٹیم جائے وقوع پر پہنچ گئی۔ مقامی لوگوں اور پولیس کی مدد سے زخمیوں کو فوری طور پر گاڑی سے نکال کر علاج کے لئے ساکولی سب ڈسٹرکٹ اسپتال لے جایا گیا۔  پولیس کے مطابق مرنے والوں میں سے ۶؍ افراد کی پہچان ہوئی ہے جن میں تنمے پٹیل، میانک پٹیل، رامیّا پٹیل، گنیشا پٹیل، للیتا پٹیل، باری پٹیل شامل ہیں۔ ٹرک میں پوری طرح سے پھنسی ہوئی کار کو نکالنے کے لیے ۲؍ جے سی بی مشین کی مدد لینی پڑی۔ پولیس نے حادثاتی معاملہ کا اندراج کرکے واقعے کی تحقیقات شروع کردی ہے۔