ڈبلیو ڈبلیو ای کے مشہور پروفیشنل ریسلنگ کے افسانوی ہالک ہاگن انتقال کر گئے، ان کی عمر ۷۱؍ سال تھی، ان کا اصل نام ٹیری بولی تھا۔

ذرائع ابلاغ نے ہنگامی خدمات کے عملے کا حوالہ دیا ہے جنہیں جمعرات کی صبح ہوگن کے گھر سے ’’دل کا دورہ‘‘ پڑنے کی اطلاع پر بھیجا گیا تھا۔  اطلاعات کے مطابق، ان کی رہائش گاہ کے باہر طبی عملہ اور پولیس موجود دیکھی گئی، جہاں سے ہوگن کو اسٹریچر پر لاد کر ایمبولینس میں منتقل کیا گیا۔ اب تک کوئی سرکاری بیان جاری نہیں ہوا ہے اور ان کی موت کی مزید تفصیلات ابھی واضح نہیں ہیں۔ 
واضح رہے کہ ہالک ہاگن پروفیشنل ریسلنگ کی دنیا کے سب سے مشہور چہرے تھے، جنہوں نے ۱۹۸۰ءکی دہائی میں شہرت پائی اور ورلڈ ریسلنگ فیڈریشن (موجودہ ڈبلیو ڈبلیو ای) کے ذریعے گھر گھر میں مشہور ہوئے۔ انہوں نے کئی مقابلوںکی قیادت کی اور اپنے جذباتی انداز، مخصوص پٹی (بینڈانا) اور مشہور زمانہ نعرے’’جب ہالک مینیا تم پر حملہ کرے گا، تم کیا کرو گے؟‘‘کی بدولت شہرت پائی۔