حیدرآباد کے چارمینار کے قریب واقع میر چوک علاقے میں ایک عمارت میں خوفناک آگ لگنے سے کم از کم۱۷؍افراد جاں بحق ہو گئے۔ ریاستی وزیر اعلیٰ ریونت ریڈی نے حادثے پر گہرے دکھ کا اظہار کیا اور متعلقہ حکام کو ریلیف آپریشن تیز کرنے اور زخمیوں کو بہترین علاج فراہم کرنے کی ہدایت دی ہے۔

حیدرآباد کے چارمینار کے قریب واقع میر چوک علاقے میں ایک عمارت میں خوفناک آگ لگنے سے کم از کم ۱۷؍افراد جاں بحق ہو گئے۔ یہ تمام افراد آگ کی شدت سے شدید زخمی ہوئے تھے اور بعد میں دم توڑ گئے۔واقعہ کے بعد علاقے میں افرا تفری پھیل گئی۔ آگ لگنے کی اصل وجہ اب تک واضح نہیں ہو سکی ہے، تاہم ابتدائی تحقیقات کے مطابق شبہ ظاہر کیا جا رہا ہے کہ یہ آگ ایئر کنڈیشنر میں شارٹ سرکٹ کی وجہ سے لگی ہو سکتی ہے۔فائر بریگیڈ کے ایک افسر کے مطابق، صبح ساڑھے چھ بجے انہیں آگ لگنے کی اطلاع ملی، جس کے بعد ۱۱؍فائر ٹینڈرز فوری طور پر جائے حادثہ کیلئے روانہ کئے گئے۔ موقع پر۱۰؍ ایمبولینس بھی موجود تھیں جن کے ذریعے زخمیوں کو فوراً قریبی اسپتالوں میں منتقل کیا گیا۔

Inspected the fire accident site at Gulzar House near Charminar, Hyderabad today. Discussed with senior officials handling the situation regarding rescue and relief operations, and urged them to provide immediate medical support and help.

The Govt. of India will provide… pic.twitter.com/GMwhlM47ZH

— G Kishan Reddy (@kishanreddybjp) May 18, 2025

مرکزی وزیر جی کشن ریڈی نے اس واقعے پر افسوس کا اظہار کرتے ہوئے کہا کہ ایسی خبریں انتہائی افسوسناک ہوتی ہیں۔ میں اس سانحہ پر وزیر اعظم اور مرکزی حکومت سے بات کروں گا تاکہ جاں بحق ہونے والوں کے اہل خانہ کو مالی مدد فراہم کی جا سکے۔ریاستی وزیر اعلیٰ ریونت ریڈی نے بھی حادثے پر گہرے دکھ کا اظہار کیا اور متعلقہ حکام کو ریلیف آپریشن تیز کرنے اور زخمیوں کو بہترین علاج فراہم کرنے کی ہدایت دی ہے۔ پولیس اور فائر ڈ پارٹمنٹ کی جانب سے واقعے کی مکمل جانچ کی جا رہی ہے۔ حتمی طور پر یہ کہنا ممکن نہیں کہ آگ کی اصل وجہ کیا تھی لیکن شارٹ سرکٹ کو ممکنہ وجہ تصور کیا جا رہا ہے۔ یہ افسوسناک واقعہ ایک بار پھر شہری علاقوں میں فائر سیفٹی اور بجلی کے نظام کی حفاظت سے متعلق سوالات کو جنم دیتا ہے۔

Deeply anguished by the loss of lives due to a fire tragedy in Hyderabad, Telangana. Condolences to those who have lost their loved ones. May the injured recover soon.

An ex-gratia of Rs. 2 lakh from PMNRF would be given to the next of kin of each deceased. The injured would be…

— PMO India (@PMOIndia) May 18, 2025

پی ایم او کی جانب سے اظہار تعزیت اور ۲؍ لاکھ روپے امداد کا اعلان
وزیر اعظم نریندر مودی کے دفتر نے کہا کہ وہ آگ میں جانوں کے ضیاع سے سخت غمزدہ ہیں۔حیدرآباد، تلنگانہ میں آتشزدگی کے سانحے کی وجہ سے جانوں کے ضیاع پر گہرا دکھ ہوا ہے۔ ان لوگوں کے ساتھ تعزیت جو اپنے پیاروں کو کھو چکے ہیں۔ زخمی جلد صحت یاب ہوں۔ پی ایم این آر ایف کی طرف سے ہر مرنے والے کے لواحقین کو۲؍لاکھ روپے جبکہ زخمیوں کو۵۰؍ ہزار  روپے دیئے جائیں گے۔