امریکی ریاست کینٹکی اور میزوری میں طوفان نے تباہی مچا دی جس کے نتیجے میں ۲۵؍افراد ہلاک اور۳۸؍ زخمی ہوگئے۔

’’الجزیرہ ‘‘کی رپورٹ کے مطابق امریکی ریاست کینٹکی اور میزوری میں طوفان نے تباہی مچا دی جس کے نتیجے میں ۲۵؍افراد ہلاک اور۳۸؍ زخمی ہوگئے۔ رپورٹ کے مطابق امریکی حکام نے طوفان کے باعث ہلاکتوں میں اضافے کا خدشہ ظاہر کیا ہے۔ رپورٹ کے مطابق طوفانی بگولوں اور شدید طوفان سے مکانات کی چھتیں اُڑ گئیں اور درخت جڑوں سے اُکھڑ گئے اور درجنوں گاڑیوں کو بھی نقصان پہنچا۔ 

یہ بھی پڑھئے: عرب لیگ فلسطین کے ۲؍ ریاستی حل کے حق میں

حکام کے مطابق کینٹکی میں ۱۴؍ افراد ہلاک ہوئے۔ ۱۵۰؍میل فی گھنٹہ کی رفتار چلنے والے طوفان سے ۵؍ ہزار سے زائد عمارتوں کو نقصان پہنچا جبکہ ۳؍لاکھ سے زائد صارفین بجلی سے محروم ہو کر رہ گئے۔