ہندوستانی اسٹاک مارکیٹ میں پیر کے کاروباری سیشن میں بڑی کمی دیکھنے کو ملی۔ دن کے اختتام پر سینسیکس۷۴ء۱۳۵۲؍ پوائنٹس یا ۷۱ء۱؍ فیصد کی کمی کے ساتھ۱۶ء۷۷۵۶۶؍ پر اور نِفٹی۴۰ء۴۲۲؍ پوائنٹس یا ۷۳ء۱؍فیصد کی کمی کے ساتھ ۰۵ء۲۴۰۲۸؍ پر بند ہوا۔

مارکیٹ میں کمی کی قیادت آٹو اور بینکنگ شیئرز نے کی۔ نِفٹی آٹو۱۰ء۴؍  فیصد، نِفٹی پی ایس یو بینک  ۹۷ء۳؍فیصد، نِفٹی کنزیومر ڈیوریبل۸۱ء۲؍ فیصد، نِفٹی پرائیویٹ بینک ۷۸ء۲؍ فیصد، نِفٹی میٹل  ۶۰ء۲؍فیصد، نِفٹی پی ایس ای ۳۹ء۲؍ فیصد، نِفٹی آئل اینڈ گیس۳۷ء۲؍ فیصد اور نِفٹی انڈیا مینوفیکچرنگ۳۶ء۲؍ فیصد کی کمی کے ساتھ بند ہوا۔ صرف نِفٹی آئی ٹی ۰۸ء۰؍ فیصد کی ہلکی بڑھوتری کے ساتھ بند ہوا۔
لارج کیپ کے ساتھ مڈ کیپ اور اسمال کیپ میں بھی کمی ہوئی۔ نِفٹی مڈ کیپ ۱۰۰؍ انڈیکس ۸۵ء۱۱۲۷؍ پوائنٹس یا ۹۷ء۱؍ فیصد کی کمی کے ساتھ۵۰ء۵۶۲۶۵؍  پر اور نِفٹی اسمال کیپ ۱۰۰؍ انڈیکس۷۰ء۳۶۶؍ پوائنٹس یا۲۲ء۲؍ فیصد کی کمی کے ساتھ۲۰ء۱۶۱۳۲؍  پر تھا۔مارکیٹ میں اتار چڑھاؤ ظاہر کرنے والے انڈیا وِکس میں بھی سیشن کے دوران اضافہ دیکھا گیا اور یہ۵۰ء۱۷؍ فیصد کی تیزی کے ساتھ  ۳۶ء۲۳؍پر بند ہوا۔
سینسیکس پیک میں الٹراٹیک سیمنٹ، ماروتی سوزوکی، ایم اینڈ ایم، ایس بی آئی، انڈیگو، ٹاٹا اسٹیل، کوٹک مہندرا بینک، ایل اینڈ ٹی، ایشین پینٹس، آئی سی آئی سی آئی بینک، بی ای ایل، ایچ ڈی ایف سی بینک، ایکسس بینک، ٹائیٹن، بجاتھ فِن سِرو، ایچ یو ایل، پاور گرڈ اور بجاتھ فائننس لوزرز تھے۔ دوسری جانب، سن فارما، انفوسس، ٹیک مہندرا اور ایچ سی ایل ٹیک گینرز تھے۔

یہ بھی پڑھئے:رینجرز بمقابلہ سیلٹک: فتح کا جشن میدانِ جنگ میں تبدیل، شائقین کا کھلاڑیوں پر حملہ

مارکیٹ میں کمی کی وجہ سے بامبے  اسٹاک ایکسچینج پر درج تمام کمپنیوں کی مارکیٹ کیپ ۸؍ لاکھ کروڑ روپے کم ہو کر ۴۴۱؍ لاکھ کروڑ روپے ہو گئی، جو پہلے ۴۴۹؍ لاکھ کروڑ روپے تھی۔ مارکیٹ میں بڑی کمی کی وجہ خام تیل میں تیزی بتائی جا رہی ہے۔ مشرق وسطیٰ میں بڑھتے ہوئے تناؤ کے سبب برینٹ کروڈ کی قیمت میں پیر کو ۲۶؍ فیصد تک اضافہ دیکھا گیا اور یہ  ۱۱۹؍ ڈالر فی بیرل پر پہنچ گئی۔

یہ بھی پڑھئے:ٹی۲۰؍ ورلڈ کپ: ٹیم انڈیا کے چیمپئن بننے کے سفر میں یہ میچ ’ٹرننگ پوائنٹ‘ ثابت ہوا

خام تیل میں کمی کی وجہ عراق اور کویت جیسے ممالک کی طرف سے پیداوار میں کمی کرنا ہے۔ اس سے پہلے قطر نے ایل این جی کی پیداوار میں کمی کا اعلان کیا تھا۔ہندوستانی مارکیٹ میں کمزوری کی ایک وجہ ڈالر کا مضبوط ہونا بھی ہے۔ دنیا کی چھ بڑی کرنسیوں کے مقابلے امریکی کرنسی کی مضبوطی دکھانے والا ڈالر انڈیکس اس سال اب تک کے سب سے اعلیٰ سطح ۷۰ء۹۹؍تک پہنچ گیا ہے۔ ڈالر کے مضبوط ہونے سے ہندوستان روپیہ بھی کمزور ہوا ہے۔