پریاگ راج میں مرکزی وزیر داخلہ کا عوامی جلسے سے خطاب، اپوزیشن کےا تحا د پر سنگین الزامات۔

مرکزی وزیر داخلہ اور بی جے پی کے سابق صدر امیت شاہ نے پریاگ راج میں  ایک ریلی سے خطاب کرتے ہوئے دعویٰ کیا کہ انڈیا اتحاد ملک سے جوہری ہتھیار ختم کردے گا۔ اتوار کو دوپہر ۱۲؍ بج کر۳۴؍ وزیر داخلہ امیت شاہ کا ہیلی کاپٹر پریاگ راج کے میجا کے سیراؤں گاؤ ں کے ہیلی پیڈ پر اترا۔ بعدازاں اسٹیج پر پہنچتے ہی امیت شاہ نے کسی تمہید اورتعارف کے بغیر مائک سنبھال کیا اور انڈیا اتحاد پر شدیدتنقید کی۔

یہ بھی پڑھئے: ’’ہماری ضمانت سماجی اور اقتصادی تحفظ کی ضامن‘‘

اس موقع پر انہوں نے عوامی جلسے سے اپنے خطاب کرتے ہوئے کہا، ’’یہ ایک عظیم ہندوستان کی تعمیر کا انتخاب ہے۔ ملک کو محفوظ اورطاقتور بنانے کے عزم کا انتخاب ہے۔ ایسے میں عوام قیادت سے محروم انڈیا اتحاد کی سیاست کو سمجھ چکے ہیں۔ اس بار الیکشن میں ۴۰۰؍ سو سےز ائد سیٹیں دے کر عوام مودی کو تیسری بار وزیراعظم کے طور پر دیکھنا چاہتے ہیں۔‘‘ 
  اس موقع پر ان کا یہ بھی کہناتھا، ’’انڈیا اتحاد ملک میں دفعہ ۳۷۰؍ کو واپس لانا چاہتا ہے۔ پاکستان کو اہمیت دیتا ہے اور جو ہر ی ہتھیاروں کا تباہ کرنا چاہتا ہے۔ ‘‘