انسانی حقوق کونسل کے نو منتخب اراکین میں ہندوستان سمیت انگولا، مصر، ماریشس، جنوبی افریقہ، عراق، پاکستان، ویتنام، ایسٹونیا، سلووینیا، چلی، ایکواڈور، اٹلی اور برطانیہ شامل ہیں۔

منگل کو اقوام متحدہ (یو این) کی جنرل اسمبلی نے ۲۰۲۶ء- ۲۸ء کی مدت کیلئے انسانی حقوق کونسل کے ۱۴ نئے اراکین کا انتخاب کیا۔ دنیا بھر میں تنازعات اور آمرانہ ریاستوں میں انسانی حقوق کی خلاف ورزیوں کے بڑھتے واقعات کے درمیان کونسل کے نئے اراکین کا انتخاب عمل میں آیا۔ یکم جنوری ۲۰۲۶ء سے شروع ہونے والی تین سالہ مدت کیلئے رکن منتخب ہونے والے ممالک میں انگولا، مصر، ماریشس، جنوبی افریقہ، ہندوستان، عراق، پاکستان، ویتنام، ایسٹونیا، سلووینیا، چلی، ایکواڈور، اٹلی اور برطانیہ شامل ہیں۔ ہندوستان کو ساتویں مرتبہ کونسل کا رکن منتخب کیا گیا ہے۔

India was elected to the Human Rights Council for the term 2026-28 @UN for the seventh time today. Thank all delegations for their overwhelming support.

This election reflects India’s unwavering commitment to human rights and fundamental freedoms. We look forward to serve this… pic.twitter.com/rvYj4jRKlY

— Parvathaneni Harish (@AmbHarishP) October 14, 2025

واضح رہے کہ ۲۰۰۶ء میں ایک قرارداد کے ذریعے انسانی حقوق کونسل کو قائم کیا گیا تھا۔ اس قرارداد کے مطابق، رکن ممالک کو ووٹ ڈالنے سے پہلے ہر امیدوار کے ریکارڈ اور انسانی حقوق کو فروغ دینے اور ان کے تحفظ کیلئے ان کے وعدوں پر غور کرنا ضروری ہے۔ اقوام متحدہ کے تحت کام کرنے والی ۴۷ رکنی انسانی حقوق کونسل، عالمی سطح پر انسانی حقوق کے مسائل پر توجہ دیتی ہے اور مبینہ زیادتیوں کے حوالے سے غیر پابند قراردادیں منظور کر سکتی ہے۔ اس کا صدر دفتر جنیوا، سوئٹزرلینڈ میں واقع ہے۔