حال ہی میں پلاسٹک مصنوعات کی برآمدات کو فروغ دینے کی خاطر منعقد کی گئی بی ٹو بی نمائش ’پلاسٹی ورلڈ ۲۰۲۶ء‘کا اختتام ہوا جس میں ۳؍ دنوں کے دوران۱۰۰؍ سے زائد ہندوستانی کمپنیوں نے پلاسٹک کی مصنوعات کی نمائش انعقاد کیا جس میں۴۷؍ ممالک کے۲۱۰؍ سے زائد خریداروں نے شرکت کی۔

حال ہی میں پلاسٹک مصنوعات کی برآمدات کو فروغ دینے کی خاطر منعقد کی گئی بی ٹو بی نمائش ’پلاسٹی ورلڈ ۲۰۲۶ء‘کا اختتام ہوا جس میں ۳؍ دنوں کے دوران۱۰۰؍ سے زائد ہندوستانی کمپنیوں نے پلاسٹک کی مصنوعات کی نمائش انعقاد کیا جس میں۴۷؍ ممالک کے۲۱۰؍ سے زائد خریداروں نے شرکت کی۔ اس دوران تقریباً ۶۰؍ کروڑ روپے کے سودے ہوئے۔ خاص کر ہندوستان اور نیوزی لینڈ کے درمیان اہم معاہدے (ایم او یو) ہوئے، جو بین الاقوامی تجارتی تعلقات کو مزید مضبوط بنائیں گے۔ انڈیا نیوزی لینڈ بزنس کونسل اور فیڈریشن آف انڈین ایکسپورٹ آرگنائزیشن کے درمیان، نیز انڈیا نیوزی لینڈ بزنس کونسل اور آل انڈیا پلاسٹک مینوفیکچررز ایسوسی ایشن کے درمیان معاہدے کئے گئے جن سے دوطرفہ تجارت کے نئے مواقع پیدا ہوں گے اور ہندوستانی برآمد کنندگان کو خصوصی ٹیریف فوائد کیساتھ بہتر مارکیٹ تک رسائی ہوگی۔  ایڈون پال نے ہندوستان نیوزی لینڈ شراکت داری کو دوطرفہ تجارت کے ایک نئے دور کا آغاز قرار دیا۔انہوں نے ہندوستانی پلاسٹک صنعت کی ماحول دوست پیداوار کی ستائش کی۔