وزیر اعلیٰ نتیش کمار نے جمعرات کو اپنی ’سمردھی یاترا‘موخر کر دی۔اب وہ دہلی جانے کی تیاری کررہے ہیں۔

وزیر اعلیٰ نتیش کمار نے جمعرات کو اپنی ’سمردھی یاترا‘موخر کر دی۔اب وہ دہلی جانے کی تیاری کررہے ہیں۔ راجیہ سبھا کیلئے منتخب ہونے کے بعدایوان بالا میں ۱۰؍اپریل سے ان کی میعاد شروع ہوگی۔اگلے پانچ دنوں کے اندر نتیش کمارقانون سازکونسل کی رکنیت سے استعفیٰ دیں گے۔ یہ قانونی مجبوری ہے۔استعفیٰ دینےکےبعد وہ اگلے متبادل تک وزیراعلیٰ کے عہدےپر برقرار رہ سکتے ہیں۔ وزیر اعلیٰ کی سمردھی یاترا جمعرات کو نالندہ اور پٹنہ میں ہوئی۔ وزیر اعلیٰ کے مستقبل کے پروگرام تقریباً طے ہوچکے ہیں۔ جمعہ کو وہ رام نومی کی تقریبات میں شرکت کریں گے۔

یہ بھی پڑھئے: آندھرا پردیش: مارکاپورم میں لاری سے ٹکرانے پر بس میں آگ،۱۰؍ افراد زندہ جل گئے

جے ڈی یو کی میٹنگوں کا سلسلہ سنیچر کو وزیر اعلیٰ کی موجودگی میں شروع ہوگا۔سب سے پہلے وزیر اعلیٰ جے ڈی یو کی ریاستی یونٹ کی میٹنگ میں شامل ہوں گے۔یہ میٹنگ وزیر اعلیٰ کی رہائش گاہ یا جے ڈی یو کے ریاستی دفتر میں ہوگی۔ اس کے بعدجے ڈی یو کی کور کمیٹی کی میٹنگ میں نئی حکومت کی تشکیل پر بات چیت کی جائےگی۔ اس بار یہ بات سامنےآئی ہے کہ نئی حکومت میںجے ڈی یو کی نگاہ اسمبلی اسپیکر کے عہدہ پربھی ہے۔اس لیےجے ڈی یو کی کور کمیٹی کی میٹنگ میں اس مسئلہ پر اتفاق رائے حاصل کرنے کی کوشش کی جائے گی۔