ہندوستان کے مشہور بیوٹی اور لائف اسٹائل برانڈنائیکا نے ملک میں خوبصورتی کے میدان میں حیرت انگیز شہرت حاصل کی ہے، اب اس برانڈ نے برطانیہ میں اپنی پہلی برانچ کھول کر عالمی برانڈ بننے کی طرف قدم بڑھایا ہے۔

ہندوستان کے مشہور بیوٹی اور لائف اسٹائل برانڈنائیکا نے ملک میں خوبصورتی کے میدان میں حیرت انگیز شہرت حاصل کی ہے، اب اس برانڈ نے برطانیہ میں اپنی پہلی برانچ کھول کر عالمی برانڈ بننے کی طرف قدم بڑھایا ہے۔ نائیکا نے لندن میں  اپنی نئی شاخ کا آغاز کیا۔ یہ شاید پہلا موقع ہے جب کسی ہندوستانی بیوٹی برانڈ نے برطانیہ میں اپنی برانچ کھولی ہے۔
 نائیکا نے’نسا‘ نامی اپنے پلیٹ فارم کے ذریعے جی سی سی مارکیٹ تک اپنی رسائی کو بڑھایا ہے۔ ہاؤس آف نائیکا آج ہندوستان کا مقامی طور پر تیار کیا جانے والا دوسرا سب سے بڑا بیوٹی برانڈ ہے جس میں مشہور مصنوعات کی ایک وسیع رینج ہے جیسے نائیکا کاسمیٹکس، کے بیوٹی ، کے ڈاٹ، نائیکا وانڈرلسٹ، نائیکا پرفیومری، ارتھ ردم اور نائیکا کلیکشن۔ کمپنی کے پاس۳۲۰۰؍ کروڑ روپے کی گروس مارکیٹ ویلیو بھی ہے۔
 ’’کے بیوٹی‘‘   ۲۰۱۹ء میں شروع کی گئی تھی جس کی مشترکہ بنیاد مشہور اداکارہ کترینہ کیف نے رکھی تھی۔ یہ میک اپ بنانے کے جذبے کے ساتھ شروع کیا گیا تھا جو جلد کی ہر طرح سے حفاظت کرتا ہے۔ آج ’کے بیوٹی‘ ملک میں سب سے تیزی سے ترقی کرنے والی بیوٹی پروڈکٹس کمپنیوں میں سے ایک ہے۔ اس کے کل ۱ء۵؍ ملین صارفین ہیں اور اس کی تمام مصنوعات ملک بھر میں ۷۰۰؍ پریمیم سیلز اسٹورس پر دستیاب ہیں۔ نسا کے پانچ سرفہرست برانڈز کے ساتھ جی سی سی میں توسیع کرنے کے بعد’کے بیوٹی‘  اب عالمی صارفین پر نظریں جمائے ہوئے ہے۔