ساتوک سائراج رینکیریڈی اور چراغ شیٹی ہانگ کانگ میں جیت کے قریب پہنچ گئے تھے لیکن یہاں مردوں کے ڈبلز خطابی مقابلے میں چین کے لیانگ ویکینگ اور وانگ چانگ سے ۶۲؍منٹ میں ۱۹۔۲۱، ۲۱۔۱۴،۲۱۔۱۷؍ سے ہار گئے۔

ساتوک سائراج رینکیریڈی اور چراغ شیٹی ہانگ کانگ میں جیت کے قریب پہنچ گئے تھے لیکن یہاں مردوں کے ڈبلز خطابی مقابلے میں چین کے لیانگ ویکینگ اور وانگ چانگ سے ۶۲؍منٹ میں ۱۹۔۲۱، ۲۱۔۱۴،۲۱۔۱۷؍ سے ہار گئے۔ شروع سے ہی ہندوستانی جوڑی نے ہوشیاری سے ریلیاں بنائیں اور گیم پوائنٹ پر پُرسکون ہاک آئی چیلنج کی مدد سے پہلا گیم ۱۹۔۲۱؍سےجیت لیا۔ یہ اس بات کا اشارہ تھا کہ انہوں نے اپنی طاقت اور مستحکم فیصلے کو یکجا کرنا کتنی اچھی طرح سیکھا ہے۔
 تاہم چینی جوڑی نے دوسرے گیم میں اپنا فارم حاصل کر لیا اور  ہندوستانی جوڑی  کو بار بار دفاع کرنے پر مجبور کیا۔ ۱۴۔۲۱؍ کا سکور لائن نہ صرف دوسری ٹیم کے دباؤ کی عکاسی کرتا ہے بلکہ ساتوک۔ چراغ کی لمبائی اورروٹیشن کے معیار میں بھی معمولی کمی کو ظاہر کرتا ہے۔ فیصلہ کن گیم میں لیانگ اور وانگ نے ابتدائی حملہ کیا اور ہندوستانی ٹیم کے سنبھلنے سے پہلے ہی اسکورصفر۔۶؍ کر دیا۔ اگرچہ ساتوک اور چراغ نے درمیان میں بہتر کھیل پیش کیا اور ۱۰۔۱۸؍ سے۱۷۔۲۰؍ پر چلے گئے لیکن مارجن بہت زیادہ ثابت ہوا۔ تیسرے میچ پوائنٹ پر لیانگ کی کلین ونر نے ایک گھنٹے سے زائد جاری رہنے والے مقابلے پر مہر ثبت کر دی۔
 اس جوڑی کو فیصلہ کن میچوں میں ابتدائی ناکامیوں کو برداشت کرنے کے لئے انہیں مستقل مزاجی کی ضرورت ہے۔ یہ سبق حالیہ مہینوں میں ایک سے زیادہ مرتبہ سامنے آیا ہے۔فائنل میں اس جوڑی کو مزید بہتری کی ضرورت ہے۔
لکشیہ سین بھی فائنل میں ہار گئے
  سنگلز میں بھی ہندوستان کا ٹائٹل کا خواب چکنا چور ہوگیا۔ لکشیہ سین کو  سنگلز فائنل میں دوسری سیڈ چین کے لی شی فینگ سے۱۵۔۲۱،۱۲۔۲۱؍  سے شکست کے بعد چاندی کے تمغے پر ہی اکتفا کرنا پڑا۔ اس نتیجے کے ساتھ ہی ہندوستان نے دو چاندی کے تمغوں کے ساتھ ٹورنامنٹ کا اختتام کیا۔