ہندوستان میں ٹیلی ویژن اشتہارات کی دنیا ایک ایسے چکر ( لووپ) میں پھنسی ہوئی نظر آتی ہے جہاں صرف بالی ووڈ ستاروں اور کرکٹرز کی ہی بازگشت سنائی دیتی ہے۔

ہندوستان  میں ٹیلی ویژن اشتہارات کی دنیا ایک ایسے چکر ( لووپ) میں پھنسی ہوئی نظر آتی ہے جہاں صرف بالی ووڈ ستاروں اور کرکٹرز کی ہی بازگشت سنائی دیتی ہے۔ سابق نیشنل چیمپئن روپندر سنگھ نے اپنے ایک حالیہ مضمون میں اس تخلیقی جمود پر کڑی تنقید کرتے ہوئے سوال اٹھایا ہے کہ کیا ایک ارب سے زائد آبادی والے ملک میں کرکٹ اور فلموں کے علاوہ کوئی اور ہیرو نہیں؟
کالم نگار کا کہنا ہے کہ ہندوستان نے حالیہ برسوں میں کھیلوں اور دیگر شعبوں میں کئی عالمی ریکارڈ قائم کیے ہیں، لیکن یہ کامیابیاں اشتہارات کی چکا چوند میں جگہ نہیں بنا پاتیں۔وہ بغیر ہاتھوں کے تیر اندازی  کرنے والی غیر معمولی ایتھلیٹ ہیں جنہوں نے دنیا کو حیران کر دیا، مگر اشتہارات میں وہ غائب ہیں۔تیجسون شنکر اور نیرج چوپڑا اولمپک اور ڈیکاتھلون میں سرحدوں کو عبور کرنے والے ان ہیروز کی کہانیاں عوام تک اس طرح نہیں پہنچائی جا رہیں جیسے کسی کرکٹر کی پہنچائی جاتی ہیں۔

یہ بھی پڑھئے:میرا اسٹرائیک ریٹ نہیں، تمہارا حسد بول رہا ہے: اجنکیا رہانے

سرحد پار پاکستان کے  سپوت  ارشد ندیم نے بھی برصغیر میں ایتھلیٹکس کا پروفائل بلند کیا ہے، مگر میڈیا ان کہانیوں سے دور ہے۔اشتہاری کمپنیاں بالی ووڈ اور کرکٹ کو محفوظ انتخاب سمجھتی ہیں، لیکن روپندر سنگھ کے مطابق، یہ صرف تخیل کی کمی ہے۔صرف کھیل ہی کیوں؟  ہندوستان نے اسرو کے ذریعے خلائی تحقیق، سائنس، ٹیکنالوجی اور ڈیجیٹل اسٹوری ٹیلنگ میں بے پناہ ترقی کی ہے۔ یہ کہانیاں ملک کے تنوع اور مضبوطی کی عکاس ہیں، جن کا جشن اشتہارات کے ذریعے منایا جانا چاہیے۔ایشیائی کھیلوں اور کامن ویلتھ گیمز جیسے عالمی مقابلوں کی تیاری کرتے ہوئے، اب وقت آگیا ہے کہ لکشیہ سین جیسے بیڈمنٹن کھلاڑیوں، عالمی چیمپئن خاتون باکسرز اور پہلوانوں کو پہچان دی جائے۔

یہ بھی پڑھئے:باکس آفس پر عمران ہاشمی اور سنی دیول کا مقابلہ ہوسکتاہے

اشتہارات کو صرف مصنوعات بیچنے کا ذریعہ نہیں، بلکہ قومی امنگوں اور ثقافتی تصورات کو نئی شکل دینے کا آلہ بنایا جائے۔ ہندوستانی  اشتہاری صنعت کو بالی ووڈ اور کرکٹ کی بوریت سے باہر نکل کر ان ہیروز کو اپنانا ہوگا جو مٹی سے جڑے ہیں اور حقیقی جدوجہد کی علامت ہیں۔ اگر ہم نے ان متنوع کہانیوں کو نظر انداز کرنا جاری رکھا، تو ہم اس بدلتے ہوئے ہندوستان سے رابطہ کھو دیں گے جو اپنی پہچان خود بنا رہا ہے۔