پاکستان میں بجٹ ۲۷۔۲۰۲۶ء سے پہلے صنعتوں نے ساختی ٹیکس اصلاحات کے مطالبے کو تیز کر دیا ہے اور کہا ہے کہ ملک مختصر مدت کی ٹیکس اصلاحات پر انحصار نہیں کر سکتا۔ سرمایہ کاری اور اقتصادی ترقی کو آگے بڑھانے کے لیے بڑے ٹیکس اصلاحات ضروری ہیں۔

 پاکستان میں بجٹ ۲۷۔۲۰۲۶ء سے پہلے صنعتوں نے ساختی ٹیکس اصلاحات کے مطالبے کو تیز کر دیا ہے اور کہا ہے کہ ملک مختصر مدت کی ٹیکس اصلاحات پر انحصار نہیں کر سکتا۔ سرمایہ کاری اور اقتصادی ترقی کو آگے بڑھانے کے لیے بڑے ٹیکس اصلاحات ضروری ہیں۔ یہ معلومات ایک رپورٹ میں دی گئی ہے۔
کاروبار ریکارڈ کی رپورٹ کے مطابق ایک اہم صنعتی ادارے اوورسیز انویسٹرز چیمبر آف کامرس اینڈ انڈسٹری (او آئی سی سی آئی)(OICCI) نے ٹیکس اصلاحات سے متعلق ایک نیا تجویز کردہ منصوبہ حکومت کو پیش کیا ہے۔ اس میں ملک کے ٹیکس بیس کو وسیع کرنا اور ڈجیٹلائزیشن میں اضافہ جیسے اقدامات شامل ہیں۔
رپورٹ میں بتایا گیا ہے کہ یہ مطالبہ ایسے وقت میں سامنے آیا ہے جب ملک شدید مالی دباؤ، سرمایہ کاری میں سست روی اور کمزور صنعتی مسابقت کا سامنا کر رہا ہے۔کچھ تجارتی گروپس کا کہنا ہے کہ پچھلی حکومتوں نے طویل المدتی معاشی اصلاحات کے بجائے مختصر المدتی ریونیو اکٹھا کرنے کو ترجیح دی، جس کے باعث ٹیکس نظام کی بنیادی کمزوریاں حل نہیں ہو سکیں۔

یہ بھی پڑھئے:ونیش پھوگاٹ کا ریسلنگ فیڈریشن آف انڈیا کی نوٹس کے باوجود لڑائی جاری رکھنے کا اعلان

او آئی سی سی آئی کی تجاویز کے مطابق، پہلے سے رسمی معیشت کے شعبوں پر بار بار مزید ٹیکس لگا کر ٹیکس آمدنی میں اضافہ ممکن نہیں۔ اس کے بجائے چیمبر نے ٹیکس بیس کو وسعت دینے، تعمیل کے عمل کو آسان بنانے اور ٹیکس نظام کو ڈجیٹل معیشت کے ساتھ مربوط کرنے کی اپیل کی ہے۔ ۳۰؍ او آئی سی سی آئی  سے زائد ممالک کی  ۱۹۶؍ سے زیادہ غیر ملکی سرمایہ کاری والی کمپنیوں کی نمائندگی کرتا ہے، جن کی پاکستان میں مجموعی سرمایہ کاری ۲۰۹؍ ارب ڈالر سے زیادہ ہے۔

یہ بھی پڑھئے:صرف والد ہی نہیں، وجے تھلاپتی کی کامیابی میں ان کی والدہ کا بھی اہم رول

 چیمبر کی رکن کمپنیاں حکومت کی ٹیکس آمدنی میں بھی اہم کردار ادا کرتی ہیں۔ کاروباری حلقوں نے اس بات کی نشاندہی کی ہے کہ پاکستان میں علاقائی سطح پر ٹیکس کی بنیاد کمزور ترین ہے، جبکہ رجسٹرڈ کاروبار بڑھتی ہوئی تعمیل لاگت اور ریگولیٹری بوجھ کا سامنا کر رہے ہیں۔ ان کا کہنا ہے کہ اس عدم توازن نے ایسا ماحول پیدا کر دیا ہے جہاں غیر رسمی طور پر کام کرنا اکثر ٹیکس ادا کرنے کے مقابلے میں زیادہ فائدہ مند ثابت ہوتا ہے۔ رپورٹ میں مزید کہا گیا ہے کہ تجاویز میں غیر قانونی اقتصادی سرگرمیوں کو کم کرنے کے لیے الیکٹرانک ادائیگیوں، ای-انوائسنگ، لین دین کی ٹریسیبلٹی اور ڈیٹا سے منسلک تعمیل کے نظام کے وسیع استعمال کی سفارش کی گئی ہے۔