ایران نے سپر مارکیٹ سائبر حملوں پر فرانس کو اسرائیلی جعلی حملوں سے خبردار کیا، پاسداران انقلاب نے اسرائیل پر دھوکہ دہی کا الزام عائد کرتے ہوئے فرانس کو اس کے جال میں پھنسنے سے خبردار کیا ۔

پاسداران انقلاب (IRGC) نے، پیرس کے ایک ایرانی سائبر وارفیئر یونٹ پر فرانسیسی سپر مارکیٹ ریفریجریشن سسٹم کے خلاف وسیع پیمانے پر تخریب کاری حملوں کا الزام لگانے کے بعد بات کرتے ہوئے فرانس کو اسرائیلی ’’فالس فلیگ‘‘ (جعلی حملوں)کے جال میں پھنسنےسے خبردار کیا ہے`انقلابی گارڈ کے ترجمان حسین محبی نے الزامات کو ’’مضحکہ خیز‘‘ قرار دیتے ہوئے مسترد کر دیا، ساتھ ہی  اسرائیل پر تہران کے خلاف یورپی دشمنی کو بھڑکانے اور براعظمی حمایت حاصل کرنے کے لیے دعوے گھڑنے کا الزام لگایا۔محبی نے پلیٹ فارم ایکس پر یہ دعویٰ کرتے ہوئے کہ، واشنگٹن اور تل ابیب کے برعکس، انقلابی گارڈ شہری انفراسٹرکچر کو نشانہ نہیں بناتا کہا کہ پیرس کو صیہونی حکومت کے فالس فلیگ ٹریپ سے ہوشیار رہنا چاہیے۔

یہ بھی پڑھئے: امریکہ:کئی گھنٹوں کی رکاوٹ کے بعد پروازوں کی روانگی پر عائد ملک گیر پابندی ختم

واضح رہے کہ پیر کو، فرانسیسی حکومت نے باضابطہ طور پر سائبر حملے کواس تنظیم  سے منسوب کیا، جو انقلابی گارڈ کی الیکٹرانک وارفیئر اور سائبر ڈیفنس کمانڈ کے تحت کام کرنے والی ایک خصوصی یونٹ ہے۔ فرانسیسی وزارت خارجہ کے مطابق، مربوط دراندازیوں نے۱۱؍ اور۱۲؍ اکتوبر کے درمیان راتوں رات۷۰۰؍ سے زیادہ ریٹیل سپر مارکیٹ شاخوں میں صنعتی ریفریجریشن کنٹرول میکانزم کو نشانہ بنایا۔ فرانسیسی حکام نے بتایا کہ سائبر دراندازی نے بڑے پیمانے پر املاک کو نقصان پہنچایا، مقامی آگ، اور دسیوں ملین یورو مالیت کی خوراک کے خراب ہونے کا سبب بنا۔

یہ بھی پڑھئے: ایران اور امریکہ کا ایک دوسرےپر جارحیت کا الزام، نئےحملوں کی صورت میں ”فیصلہ کن جواب“ دینے کا انتباہ

بعد ازاں جواب میں، پیرس نے ایران کے سفیر کو باضابطہ طور پر طلب کرنے اور واقعے میں ملوث ایرانی حکام اور اداروں کو سزا دینے والی یورپی یونین کی اضافی  پابندیوں کے لیے لابنگ کرنے کے ارادوں کا اعلان کیا۔تاہم ایران کی وزارت خارجہ نے منگل کو فرانسیسی الزامات کو مکمل طور پر بے بنیاد قرار دیتے ہوئے مسترد کر دیا، اعلان کیا کہ تہران اپنی قومی سلامتی اور اسٹریٹجک مفادات کے تحفظ کے لیے تمام ضروری اقدامات کرے گا جسے اس نے غیر قانونی غیر ملکی اقدامات قرار دیا۔