اسرائیل نے بین الاقوامی پانی میں غزہ جانے والی گلوبل صمود فلوٹیلا کی آخری فعال کشتی’’مارینیٹ‘‘ پر حملہ کر کے عملے کو گرفتار کر لیا۔

’’صمود فلوٹیلا‘‘ کے منتظمین کے مطابق جمعہ کو اسرائیل نے بین الاقوامی پانی میں غزہ کی جانب جانے والی گلوبل صمود فلوٹیلا کی واحد کشتی ’’ مارینیٹ‘‘ پر حملہ کیا۔ گلوبل صمود فلوٹیلا نے’’ایکس ‘‘پر جاری کردہ بیان میں کہا، ’’اسرائیلی فوجیوں نے گلوبل صمود فلوٹیلا کی کشتی’ مارینیٹ‘‘ پر چڑھائی کی اور کارکنان کو گرفتار کر لیا۔ ‘‘بیان میں مزید کہا گیا، ’’لائیو اسٹریم اچانک اس وقت ختم ہو گئی جب ایک فوجی نے سوار ہونے کے دوران کیمرہ توڑ دیا۔ ‘‘پولش پرچم والے ’’مارینیٹ‘‘ جہاز میں کہا جاتا ہے کہ چھ افراد کا عملہ ہے اور یہ۴۴؍ جہازوں کے بیڑے کا آخری فعال جہاز تھا۔ 

💢 The Israeli Navy attacked Marinette, the last remaining boat of the Global Sumud Flotilla, and detained the crew as it was en route to the Gaza Strip to deliver aid https://t.co/f1xPSIwm8S pic.twitter.com/AiytooMlRA

— Anadolu English (@anadoluagency) October 3, 2025

یاد رہے کہ اسرائیلی بحری افواج نے جمعرات کو گلوبل صمود فلوٹیلا کے دیگر جہازوں پر بھی حملہ کیا اور۵۰؍ سے زائد ممالک کے ۴۵۰؍سے زیادہ کارکنان کو حراست میں لیا۔ یہ فلوٹیلا غزہ میں انسانی ہمدردی کی امداد پہنچانے اور اسرائیل کے محاصرے کو چیلنج کرنے کی کوشش کر رہی تھی۔ اسرائیل نے تقریباً۱۸؍ سال سے غزہ پر محاصرہ برقرار رکھا ہوا ہے، جہاں تقریباً۲۴؍ لاکھ لوگ رہائش پذیر ہیں۔ 

🚨 Marinette, the last remaining boat of the Global Sumud Flotilla, shared a written message before the Israeli Navy attacked it and detained the crew in international waters https://t.co/f1xPSIwm8S pic.twitter.com/EeFMzMqqcW

— Anadolu English (@anadoluagency) October 3, 2025