اقوام متحدہ کی ۷؍ ماہرین پرمبنی ایک ٹیم کی رپورٹ میں انکشاف ہوا ہے کہ اسرائیل، غزہ اور مغربی کنارہ میں فلسطینی خواتین اور لڑکیوں کو جسمانی تشدد کا نشانہ بنارہا ہے۔ رپورٹ کے مطابق اسرائیلی قید میں ۲؍ فلسطینی خواتین کی عصمت دری بھی کی گئی ہے جبکہ دیگر پر جسمانی تشدد کیا جارہا ہے۔ اس رپورٹ کے پس منظر میں ٹیم نے تل ابیب سے کہا ہے کہ وہ تفتیش میں تعاون کرے۔

اقوام متحدہ کےماہرین نے آگاہ کیا ہے کہ اسرائیلی فوجیں حقوق انسانی کی سنگین خلاف ورزی کر رہی ہیں جن میں غزہ اور مغربی کنارہ میں فلسطینی خواتین اور لڑکیوں کے ساتھ جسمانی تشدد اور عصمت دری جیسے مذموم واقعات بھی شامل ہیں۔ پیر کو اقوام متحدہ کے ایک ماہر نے اپنے بیان میں کہا تھا کہ اسرائیلی قید میں موجود فلسطینی خواتین اور لڑکیوں کو مختلف قسم کے جسمانی تشدد کا سامنا ہے۔ اسرائیلی مرد افسران برہنہ کر کے ان کی تلاشی لے رہےہیں۔ انہوں نے مزید کہا کہ کم از کم ۲؍ خواتین کی مبینہ طور پر عصمت دری کی گئی ہے جبکہ دیگر خواتین کو عصمت دری کی دھمکی دی جارہی ہے اور جسمانی تشدد کیا جارہا ہے۔ 

یہ بھی پڑھئے: اسرائیل حماس جنگ: ناروے، فلسطینی اتھاریٹی (پی اے) کو فنڈ منتقل کرے گا

یو این کے ۷؍ ماہرین نے اپنی رپورٹ میں یہ بھی نشاندہی کی ہے کہ ۷؍ اکتوبر سے اسرائیلی فوجوں نے سیکڑوں فلسطینی خواتین اور لڑکیوں کو یرغمال بنایا ہے۔ ان میں حقوق انسانی کے کارکنان، رپورٹرس اور انسانی فلاح و بہود کیلئے کام کرنے والی خواتین بھی شامل ہیں۔ ان کے ساتھ غیر انسانی اور توہین آمیز سلوک کیا جا رہا ہے جن میں جسمانی تشدد، غذا، ادویات اور بنیادی ضروریات سے محرومی، توہین آمیز انداز میں ان کی تصویریں نکالنا اور اسرائیلی فوجیوں کی جانب سے انہیں آن لائن وائرل کرنا وغیرہ شامل ہیں۔ اس رپورٹ میں یہ بھی حوالہ دیا گیا ہے کہ غزہ میں زیر حراست ایک فلسطینی خاتون کو بغیر خوراک کے بارش اور سرد درجہ حرارت میں جیل کے باہر رکھا گیا۔

Israeli forces have been accused of "human rights violations," including rape and assault against hundreds of Palestinian women and girls in besieged Gaza and the occupied West Bank, according to a new statement by the UN pic.twitter.com/HN57g74e7w

— TRT World (@trtworld) February 20, 2024

اقوام متحدہ کے ماہرین نے رپورٹ پر آزادانہ اور مستعدی سے کارروائی کرنے کی اپیل کی ہے نیز تل ابیب سےتفتیش میں مکمل تعاون کا مطالبہ بھی کیا ہے۔ 
ماہرین کی ٹیم، جن میںریم السالیم اور فرانسیسکا البانیس بھی شامل ہیں، نے بتایا کہ غزہ میں فلسطینی خواتین اور لڑکیوں کو جان بوجھ کر نشانہ بنایا جا رہا ہے۔ انہیں اکثر ان مقامات پر نشانہ بنایا جاتا ہے جہاں انہوں نے اپنے اہل خانہ اور بچوں کے ساتھ پناہ لی ہوتی ہے۔اانہوں نے یہ بھی بتایا کہ تشدد کا نشانہ بننے والے بیشتر افراد کے ہاتھوں میں ’’سفید کپڑا‘‘ (امن کی نشانی) بھی تھا۔ اس کے باوجود انہیں اسرائیلی فوجوںیا ان سے منسلک افواج کے ذریعے قتل کیا گیا۔ علاوہ ازیں، غزہ میں اسرائیلی فوجوں کا نشانہ بننے والی متعدد خواتین اور بچوں کا کوئی پتہ نہیں ہے۔ ایسی سنگین رپورٹس بھی ہیں کہ اسرائیلی فوج نے ایک نومولود بچی کو زبردستی اسرائیلی حدود میں منتقل کیا گیا، یہی نہیں بلکہ بیشتر بچوں کو ان کے والدین سے جدا کیا جا رہاہے۔