آئرلینڈ کے مشہور بینڈ ’’فونٹینز ڈی سی‘‘ نے گزشتہ دن ترکی میں پہلی دفعہ کنسرٹ کیا جس میں اس نے فلسطین کیلئے آواز بلند کی۔ پرفارمنس کے دوران اسکرین پر فلسطینی پرچم جگمگاتا رہا۔ سامعین نے ’’آزاد فلسطین‘‘ کے نعرے بلند کئے۔

آئرش پوسٹ پنک بینڈ ’’فونٹینز ڈی سی‘‘ نے اتوار کو استنبول میں اپنے کنسرٹ میں فلسطین کے ساتھ یکجہتی کا اظہار کیا۔ ان کے کنسرٹ کے درمیان اسٹیج کی اسکرین پر فلسطینی پرچم آویزاں رہا۔ سامعین کے اراکین نے بینڈ کے پیغام کو تقویت دیتے ہوئے ’’آزاد فلسطین‘‘ جیسے نعرے بھی لگائے۔ ایونٹ آرگنائزر ایپیفونی اور یو آر یو کے مطابق، کنسرٹ کوک سیفٹک پارک میں پہلی بار ترکی میں ہوا ہے۔ اپنے گانے ’’ہیئرز دی تھنگ‘‘ کے ساتھ آغاز کرتے ہوئے، گروپ نے اپنے کئی معروف نغمہ پرفارم کئے جن میں ’’بوائز ان دی بیٹر لینڈ‘‘، ’’اٹز امیزنگ ٹو بی ینگ‘‘، ’’ان دی ماڈرن ورلڈ‘‘، اور ’’اسٹاربرسٹر‘‘ شامل ہیں۔ اس موقع پر بینڈ نے مداحوں کا شکریہ ادا کیا اور پہلی بار استنبول میں پرفارم کرنے کے بارے میں جوش و خروش کا اظہار کیا۔

İstanbul’da Fontaines D.C. rüzgarı esti 💚🧡

Post-punk’ın modern temsilcilerinden Fontaines D.C., uzun süre akıllarımızdan silinmeyecek performansıyla ilk kez İstanbul’da, KüçükÇiftlik Park sahnesindeydi ☘️ pic.twitter.com/RQrwt4VTP6

— epifonievents (@epifonievents) June 30, 2025

واضح رہے کہ آئرلینڈ کو یورپ میں فلسطین حامی ممالک میں سے ایک سمجھا جاتا ہے۔ گزشتہ مئی میں، اس نے اسپین اور ناروے کے ساتھ مل کر فلسطینی ریاست کو تسلیم کیا اور اسرائیل کی غزہ پر جنگ پر تنقید کی۔ یہ جنگ کے آغاز ہی سے فلسطین حامی رہا ہے اور اسرائیل کی زبردست مخالفت کررہا ہے۔