جنیوا میں اقوام متحدہ کی فلسطین کیلئے خصوصی نمائندہ فرانسسکا البانیز اور یونان کے سابق وزیر خزانہ یانیس وروفاکس بھی مظاہروں میں شریک ہوئے۔

اٹلی میں ملک گیر عام ہڑتال کے اعلان کے بعد جمعہ کو متعدد شہروں میں زبردست احتجاجی مظاہروں کا انعقاد کیا گیا جن کے نتیجے میں سیکڑوں پروازوں، ٹرینوں اور شہری ٹرانسپورٹ میں بڑے پیمانے پر خلل پڑا۔ اٹلی حکومت کے بجٹ برائے ۲۸-۲۰۲۶ء اور اسرائیل نواز پالیسیوں کے خلاف جاری اس احتجاج کی قیادت سخت گیر یونین یو ایس بی نے کی جس نے بجٹ کے مسودے کو ”جنگ کا بجٹ“ قرار دیا ہے۔ اکتوبر میں پیش کیا گیا یہ مالی منصوبہ پارلیمانی جائزے کے تحت ہے اور ممکنہ ترامیم کے ساتھ دسمبر کے آخر تک اس کے منظور ہونے کی توقع ہے۔ کارکنوں کا کہنا ہے کہ بجٹ میں حفظانِ صحت، تعلیم اور فلاح و بہبود جیسے اہم شعبوں کو نظر انداز کیا جارہا ہے اور فوجی اخراجات کو ان پر ترجیح دی جارہی ہے۔ واضح رہے کہ بجٹ میں ۳۱ ارب یورو دفاعی اخراجات کیلئے مختص کئے گئے ہیں۔

یہ بھی پڑھئے: امریکہ نے افغان شہریوں کے ویزا اورپناہ گزینی سے متعلق درخواست پر روک لگائی

جمعہ کو اٹلی کے دارالحکومت روم سمیت ٹیورن، جینوا، وینس اور میلان جیسے دیگر بڑے شہروں میں احتجاجی مظاہرے ہوئے جن میں بڑی تعداد میں عوام نے شرکت کی۔ جنیوا میں اقوام متحدہ کی فلسطین کیلئے خصوصی نمائندہ فرانسسکا البانیز اور یونان کے سابق وزیر خزانہ یانیس وروفاکس بھی مظاہروں میں شریک ہوئے۔ ماحولیاتی کارکن گریٹا تھنبرگ بھی مارچ میں شامل ہوئیں۔ کئی مظاہرین نے فلسطینی پرچم لہرائے۔ انہوں نے کئی ایسے بینرز بھی اٹھا اٹھا رکھے تھے جن میں حماس کے اکتوبر ۲۰۲۳ء کے حملے پر تبصرے کی وجہ سے ملک بدری کا سامنا کرنے والے ایک امام کی رہائی کا مطالبہ کیا گیا تھا۔

یہ بھی پڑھئے: پاکستان میں حالیہ آئینی ترامیم پر اقوام متحدہ کو تشویش

عوامی خدمات بڑے پیمانے پر متاثر 

ان مظاہروں کی وجہ سے ہوائی ٹریفک شدید متاثر ہوا۔ میلان کے مالپینسا ہوائی اڈے پر کم از کم ۲۷ پروازیں منسوخ ہو گئیں جبکہ بولوگنا میں ۱۷ پروازیں رد کردی گئیں۔ میلان لینیٹ، نیپلز اور وینس سے بھی مزید پروازوں کی منسوخی کی اطلاعات موصول ہوئی ہیں۔ اٹلی کی سرکاری ایئر لائن آئی ٹی اے ایئر ویز نے ۲۶ اندرونی پروازیں منسوخ کر دیں۔

روم، ٹیورن، میلان اور جینوا کے بڑے ریلوے اسٹیشنوں پر ٹرین خدمات بھی متاثر ہوئی ہیں۔ مظاہرین نے میلان کے لامبراتے اسٹیشن تک رسائی کو ہی روک دیا تھا۔ متعدد شہروں میں شہری عوامی ٹرانسپورٹ بھی متاثر ہوا۔ وینس میں، کارکنوں نے دفاعی کمپنی لیونارڈو کے دفاتر تک رسائی کو روک دیا، جس کے بعد پولیس نے انہیں منتشر کرنے کیلئے واٹر کینن کا استعمال کیا۔

یہ بھی پڑھئے: ماہرقانون ایس مرلی دھر، زیرِ قبضہ فلسطینی علاقوں اور اسرائیل پر یو این انکوائری کمیشن کے سربراہ مقرر

وزیراعظم نے بجٹ کی حمایت کی

دریں اثناء، اٹلی کی وزیر اعظم جارجیا میلونی نے بجٹ کا دفاع کرتے ہوئے اسے ”سنجیدہ، متوازن اور ذمہ دارانہ“ قرار دیا۔ انہوں نے درمیانے آمدنی والے افراد کے لیے ٹیکس میں کٹوتی کا حوالہ دیا۔ لیکن مظاہرین وزیراعظم کے بیان سے مطمئن نہیں ہے۔ یونین نے سنیچر کو مزید احتجاج کرنے کا اشارہ دیا ہے جبکہ اٹلی کی سب سے بڑی یونین سی جی آئی ایل نے ۱۲ دسمبر کو ایک علیحدہ ملک گیر ہڑتال کا اعلان کیا ہے۔