کینیا کی ماحولیاتی کارکن ٹرافیانا موتھونی نے ۱۱؍ دسمبر کو مسلسل ۷۲؍ گھنٹوں تک درخت کو گلے لگانے کا گنیز ورلڈ ریکارڈ قائم کیا ہے، اس کے اس کارنامے کو پورے ملک کی عوام نے براہ راست دیکھا، اور اس کوشش کی حوصلہ افزائی کی۔

کینیا کی ماحولیاتی کارکن ٹرافیانا موتھونی نے ۱۱؍ دسمبر کو مسلسل ۷۲؍ گھنٹوں تک درخت کو گلے لگانے کا گنیز ورلڈ ریکارڈ قائم کیا ہے، اس کے اس کارنامے کو پورے ملک کی عوام نے براہ راست دیکھا، اور اس کی کوشش حوصلہ افزائی کی۔بارش ہو یا دھوپ، ۲۲؍ سالہ لڑکی تین دن تک درخت کے تنے سے چمٹی رہی بغیر کچھ کھائے یا سوئے، جبکہ پورے ملک کے لوگوں نے اس کی کوشش کو براہ راست دیکھا۔

Kenyans turn up in large numbers to support Truphena Muthoni as she aims to reach 72 hours tree-hugging- record pic.twitter.com/G8zAndwhNn

— KENYA GOSSIP HUB (@kenyasgossips) December 10, 2025

بعد ازاں ٹرافیانا کا کہنا ہے کہ’’ یہ اقدام مقامی درختوں کے تحفظ اور ذہنی تندرستی کو فروغ دینے کے لیے تھا۔میں نے یہ اس لیے کیا تاکہ ثابت کروں کہ جب زندگی بھاری محسوس ہو تو فطرت ہمیں تھام سکتی ہے، اور ہمارے درختوں کا تحفظ ہماری اپنی تندرستی کے تحفظ کا حصہ ہے۔‘‘ واضح رہے کہ ٹرافیانا نے اس عمل کے ذریعے اپنے سابقہ ۴۸؍ گھنٹوں کے ریکارڈ کو  توڑنے کے بعد نامہ نگاروں سے بات چیت میں کہی۔ 

یہ بھی پڑھئے: غزہ میں طوفانی بارش سے بھاری تباہی

واضح رہے کہ موجودہ ماحولیاتی تبدیلی کے سبب دنیا بھر میں موسم پر اس کے اثرات کا بہ آسانی مشاہدہ کیا جا سکتا ہے، ’’گلوبل وارمنگ‘‘ کے خطرات سے ماہرین کے متنبہ کرنے کے باوجود عالمی لیڈروں نے اس سے بچنے کیلئے کوئی واضح قدم نہیں اٹھایا، جس کے سبب موسم کی بے قاعدگی اور درجہ حرارت میں اضافہ ہو رہا ہے، جو گلیشئیر کے پگھلنے کا سبب بن رہا ہے، جس کے نتیجے میں سمندر کی سطح بڑھنے اور نشیبی علاقے زیر آب آنے کی پیش گوئی کی جارہی ہے۔ ان تمام خطرات کے پیش نظر درختوں کی اہمیت کافی بڑھتی جارہی۔ صنعتوں کے قیام کیلئے درختوں کی کٹائی کے خلاف متعدد تنظیمیں میدان میں اتر کر احتجاج کر رہی ہیں، اور ماحولیات کے تحفظ کیلئے درختوں کی اہمیت سے آگاہ کررہی ہیں۔ ٹرافیانا کا یہ عمل اسی جانب دنیاکی توجہ مبذول کرانے کی ایک انوکھی کوشش ہے، جس کی پذیرائی کی جانی چاہیے۔