آندھرا پردیش کے ضلع کرنول میں حیدرآباد-بنگلورو ہائی وے پر ایک نجی بس میں خوفناک آگ بھڑکنے سے۲۵؍ سے زائد مسافر جھلس کر ہلاک اور کئی زخمی ہو گئے۔ حادثہ اس وقت پیش آیا جب بس ایک موٹر سائیکل سے ٹکرا گئی، جس کے نتیجے میں فیول ٹینک پھٹ گیا اور لمحوں میں گاڑی شعلوں کی لپیٹ میں آ گئی۔

ایک افسوسناک واقعے میں، جمعہ (۲۴؍ اکتوبر۲۰۲۵ء) کی صبح آندھرا پردیش کے ضلع کرنول کے قریب چینا ٹیکورو گاؤں کے نزدیک ایک نجی لگژری بس میں آگ لگنے سے۲۵؍ سے زائد مسافر جھلس کر ہلاک ہو گئے جبکہ کئی دیگر زخمی ہو گئے۔ یہ پرائیویٹ سلپر کوچ بس حیدرآباد سے بنگلورو جا رہی تھی اور اس میں تقریباً ۴۰؍مسافر سوار تھے۔ حادثہ اس وقت پیش آیا جب صبح تقریباً ساڑھے تین بجے مخالف سمت سے آنے والی ایک موٹر سائیکل سے تصادم کے بعد بس میں آگ بھڑک اٹھی۔ وزیر اعظم نریندر مودی نے آندھرا پردیش کے کرنول ضلع میں پیش آنے والے اس افسوسناک بس حادثے میں قیمتی جانوں کے ضیاع پر گہرے دکھ کا اظہار کیا۔ انہوں نے ’ایکس‘ پر لکھا:’’کرنول ضلع، آندھرا پردیش میں پیش آئے حادثے میں جانوں کے ضیاع پر انتہائی افسردہ ہوں۔ میری دعائیں متاثرہ افراد اور ان کے اہل خانہ کے ساتھ ہیں۔ زخمیوں کی جلد صحت یابی کیلئے دعاگو ہوں۔ ‘‘انہوں نے مزید کہا کہ ’’پی ایم ریلیف فنڈ (PMNRF) سے ہر جاں بحق فرد کے لواحقین کو۲؍ لاکھ روپے اور زخمیوں کو۵۰؍ ہزار روپے بطور معاوضہ دیئے جائیں گے۔ ‘‘

 

 

 

 

 

View this post on Instagram

 

 

 

 

 

 

 

 

 

 

 

A post shared by Inquilab - انقلاب (@theinquilab.in)

آگ کیسے لگی؟
کرنول کلکٹریٹ کے مطابق، حادثہ جمعہ کی صبح۳؍ بجے سے۳؍ بجکر ۱۰؍ منٹ کے درمیان پیش آیا، اس وقت بس میں ۴۰؍مسافر سوار تھے۔ ’دی انڈین ایکسپریس ‘ کی رپورٹ کے مطابق، ایک موٹر سائیکل بس سے ٹکرا گئی جس سے فیول ٹینک پھٹ گیا اور دیکھتے ہی دیکھتے آگ بھڑک اٹھی۔ آگ نے چند لمحوں میں پوری بس کو اپنی لپیٹ میں لے لیاجس کے باعث مسافروں کو سنبھلنے کا موقع نہ ملا۔ ۱۲؍مسافروں نے کھڑکیوں کے شیشے توڑ کر کسی طرح جان بچائی۔ 
سیاسی لیڈران کا رد عمل اور اظہار افسوس

The loss of lives in a tragic bus fire accident in Kurnool, Andhra Pradesh is deeply unfortunate. I extend my heartfelt condolences to the bereaved family members and pray for the speedy recovery of those injured.

— President of India (@rashtrapatibhvn) October 24, 2025

صدر دروپدی مرمو نے حادثے پر افسوس کا اظہار کرتے ہوئے کہا:’’کرنول، آندھرا پردیش میں بس میں آگ لگنے کے المناک حادثے میں قیمتی جانوں کا ضیاع انتہائی افسوسناک ہے۔ میں سوگوار خاندانوں سے دلی ہمدردی کا اظہار کرتی ہوں اور زخمیوں کی جلد صحت یابی کیلئے دعاگو ہوں۔ ‘‘

I am shocked to learn about the devastating bus fire accident near Chinna Tekur village in Kurnool district. My heartfelt condolences go out to the families of those who have lost their loved ones. Government authorities will extend all possible support to the injured and…

— N Chandrababu Naidu (@ncbn) October 24, 2025

آندھرا پردیش کے وزیر اعلیٰ چندرا بابو نائیڈو نے بھی اس سانحے پر گہرے دکھ کا اظہار کیا۔ انہوں نے ایکس پر لکھا:’’میں کرنول ضلع کے چینا ٹیکورو گاؤں کے قریب پیش آئے اس تباہ کن بس حادثے سے شدید صدمے میں ہوں۔ جن خاندانوں نے اپنے پیاروں کو کھو دیا ہے، ان سے دلی ہمدردی ہے۔ میری حکومت زخمیوں اور متاثرہ خاندانوں کو ہر ممکن مدد فراہم کرے گی۔ ‘‘

The news of the devastating bus fire accident near Chinna Tekur village in Kurnool district is heartbreaking. I extend my deepest sympathies to the families who have lost loved ones. Wishing speedy recovery to those injured.

— Lokesh Nara (@naralokesh) October 24, 2025

آندھرا پردیش کے وزیر برائے انسانی وسائل کی ترقی، لوکیش نارا نے بھی ایکس پر اس حادثے پر افسوس کا اظہار کیا۔ انہوں نے لکھا’’کرنول ضلع کے چینا ٹیکورو گاؤں کے قریب پیش آنے والے تباہ کن بس حادثے کی خبر دل دہلا دینے والی ہے۔ جن خاندانوں نے اپنے پیاروں کو کھو دیا ہے، ان سے دلی ہمدردی کا اظہار کرتا ہوں۔ زخمیوں کی جلد صحت یابی کیلئے نیک خواہشات۔ ‘‘

The tragic incident of a bus catching fire on the Hyderabad–Bengaluru highway in Kurnool, Andhra Pradesh, resulting in the loss of many precious lives, is profoundly distressing.

I extend my heartfelt condolences to the bereaved families of all the passengers who lost their…

— Mallikarjun Kharge (@kharge) October 24, 2025

ملکارجن کھرگے نے ایکس پر لکھا’’حیدرآباد، بنگلورو ہائی وے پر آندھرا پردیش کے ضلع کرنول میں بس میں آگ لگنے کا افسوسناک واقعہ، جس میں متعدد قیمتی جانیں ضائع ہوئیں، انتہائی دل خراش ہے۔ میں اس سانحے میں جاں بحق ہونے والے تمام مسافروں کے سوگوار اہلِ خانہ سے دلی تعزیت کا اظہار کرتا ہوں اور زخمیوں کی جلد صحت یابی کیلئے دعاگو ہوں۔ ان المناک اور بار بار پیش آنے والے واقعات کی ذمہ داری طے کرنا نہایت ضروری ہے۔ 

आंध्र प्रदेश के कुरनूल में हैदराबाद-बेंगलुरु हाईवे पर बस में आग लगने के भीषण हादसे में कई निर्दोष लोगों की मृत्यु अत्यंत दुखद और पीड़ादायक है।

इस त्रासदी में जान गंवाने वाले सभी यात्रियों के शोकाकुल परिवारों के प्रति गहरी संवेदना व्यक्त करता हूं और घायलों के शीघ्र स्वस्थ होने की…

— Rahul Gandhi (@RahulGandhi) October 24, 2025

راہل گاندھی نے ایکس پر اپنے پیغام میں لکھا:’’آندھرا پردیش کے کرنول میں حیدرآباد بنگلورو ہائی وے پر بس میں آگ لگنے کا یہ المناک اور دل دہلا دینے والا واقعہ، جس میں کئی بے گناہ لوگوں کی جانیں ضائع ہو گئیں، انتہائی افسوسناک ہے۔ میں اس سانحے میں جاں بحق ہونے والے تمام مسافروں کے سوگوار خاندانوں سے دلی ہمدردی کا اظہار کرتا ہوں اور زخمیوں کی جلد صحت یابی کیلئے نیک خواہشات کا اظہار کرتا ہوں۔‘‘