سپریم کورٹ نے آج کو سابق مرکزی وزیر اجے مشرا کے بیٹے آشیش مشرا کو ۲۰۲۱ ء لکھیم پور کھیری فساد کے معاملے میں ضمانت دے دی ہے جس میں ۸؍ افراد ہلاک ہوئے تھے۔

سپریم کورٹ نے آج سابق مرکزی وزیر اجے مشرا کے بیٹے آشیش مشرا کو ۲۰۲۱ ء لکھیم پور کھیری فساد کے معاملے میں ضمانت دے دی ہے جس میں ۸؍ افراد ہلاک ہوئے تھے۔ 

یہ بھی پڑھئے:آر ایس ایس کی سرگرمیوں میں حصہ لینے والے سرکاری ملازمین پر پابندی ہٹا دی گئی

گزشتہ سال ۲۵؍ جنوری کو کورٹ نے آشیش مشرا کو ’’تشدد کی خوفناک واردات‘‘ میں عبوری ضمانت دی تھی۔ جسٹس سوریہ کانت اور اُجل بھویان نے کیس میں شامل کسانوں کو ضمانت دیتے ہوئے ٹرائل کورٹ کو سماعت تیز کرنے کی ہدایت دی ہے۔ بینچ نے کہا کہ ’’تمام حاضری کے حالات کو مدنظر رکھتے ہوئے، عبوری حکم کو مطلق بنایا گیا ہے۔ ہمیں مطلع کیا گیا ہے کہ ۱۱۷؍ گواہوں میں سے ۷؍ گواہوں سے جرح ہوچکی ہے۔ ہمارے خیال میں مقدمے کی کاروائی کو تیز کرنے کی ضرورت ہے۔ ہم ٹرائل کورٹ کو شیڈول طے کرنے کی ہدایت دیتے ہیں، دیگر وقتی یا فوری معاملات کو مدنظر رکھتے ہوئے جو زیر التوا موضوع ہے ان کو ترجیح دی جائے۔‘‘

یہ بھی پڑھئے: کانوڑ یاترا: نیم پلیٹ معاملے کے عبوری حکم پر سپریم کورٹ نے روک لگا دی

یاد رہے کہ لکھیم پور کھیری فساد ضلع میں اس وقت فساد پھوٹ پڑا تھا جب کسانوں نے اترپردیش کے نائب وزیر اعلیٰ کیشو پرساد موریہ کے علاقے کے دورے کے خلاف احتجاج کیا تھاجس میں ایک اسپورٹ یوٹیلیٹی گاڑی نے چار کسانوں کو کچل دیاتھا۔ تب ڈرائیور اور بھارتیہ جنتا پارٹی (بی جے پی) کے دوکارکنوں کو کسانوں نے پیٹ پیٹ کر مارڈالا تھا جبکہ اس فساد میں ایک صحافی کی بھی موت ہوگئی تھی جس سے غم و غصہ مزید بڑھ گیا تھا۔