لونلی پلانیٹ کے ’’دی بیسٹ اِن ٹریول ۲۰۲۵ء‘‘ کی ۳۰؍ شہروں کی فہرست میں صرف ایک ہندوستانی شہر کو شامل کیا گیا ہے۔ اور یہ پدوچیری ہے۔

’’لونلی پلانیٹ‘‘ کی جانب سے جاری کردہ فہرست ’’سیاحت کیلئے بہترین شہر ۲۰۲۵ء‘‘ میں صرف ایک ہی ہندوستانی شہر کو جگہ ملی ہے۔ اپنی دلکشی اور ساحلی خوبصورتی کیلئے ’’پدوچیری‘‘ اس سال کے ۳۰؍ شہروں کی فہرست میں شامل ہے۔ ’’دی بیسٹ اِن ٹریول ۲۰۲۵ء‘‘ نامی اس فہرست میں وہ شہر شامل کئے گئے ہیں جو سیاحوں کو منفرد اور وسیع پیمانے پر تجربات کا موقع فراہم کرتے ہیں۔ مشہور ٹریول میگزین نے آنے والے سال میں ان میں سے ہر ایک ناقابل یقین جگہ کی کیلئے بہترین وقت کیلئے ماہ بہ ماہ ایک گائیڈ جاری کیا ہے، جسے تین الگ الگ حصوں میں تقسیم کیا گیا ہے: شہر، ممالک اور علاقے۔

#ProudMoment Lone Indian destination on the list🔥🌻🌿
The Government of Puducherry is dedicated to responsible tourism that respects local culture - community. This recognition will further strengthen local economy, attract visitors, and increase tourism investment. pic.twitter.com/W4zdG4ypdn

— tourismpondy (@tourismpondy) October 26, 2024

شہروں کے زمرے میں، ٹولوز، فرانس نے سرفہرست مقام حاصل کیا ہے جبکہ، بلغاریہ میں بانسکو، جاپان میں اوساکا، اور کنیڈا میں ایڈمونٹن بھی اس میں شامل ہیں۔ کیمرون، لیتھوانیا، اور فجی کو سرفہرست ملک کے مقامات کے طور پر تسلیم کیا گیا جبکہ پناما میں چیریکی اور سوئزرلینڈ میں والیس کو اپیل والے علاقوں کے طور پر نمایاں کیا گیا۔

یہ بھی پڑھئے: وکی پیڈیا کو عطیہ نہ دیں یہ بائیں بازو کے نظریات کے زیر اثر ہے: ایلون مسک

خیال رہے کہ پدوچیری پہلے پانڈیچیری کے نام سے جانا جاتا تھا۔ ۱۹۵۴ء تک یہ ہندوستان میں ایک فرانسیسی نوآبادیاتی بستی تھی۔ لونلی پلانیٹ کے مطابق فروری، پدوچیری کا دورہ کرنے کا بہترین وقت ہے۔پدوچیری درختوں سے سجی سڑکوں، زرد رنگوں کے نوآبادیاتی وِلا، ونٹیج بوتیک، اور دلکش فرانسیسی کوارٹرس کے ساتھ ایک منفرد منظر پیش کرتا ہے۔ میں اپنے نوآبادیاتی ماضی کی خوبصورتی سے محفوظ جھلک پیش کرتی ہے۔ لونلی پلانیٹ کا مشورہ ہے کہ اگر آپ پدوچیری جانے کا منصوبہ بنارہے ہیں تو ’’یونیورسل ٹاؤن شپ‘‘ کا دورہ ضرور کریں جہاں بین الاقوامی باشندے تجرباتی کمیونٹی میں رہتے ہیں۔