پال گھر کے ویترنا ندی میں مچھلی پکڑنے کے دوران ایک نوجوان پر شارک نے جان لیوا حملہ کردیا۔ حملے میں نوجوان کی ٹانگ شدید زخمی ہوگئی۔ یہ واقعہ منگل کو شام ساڑھے ۶؍ بجے منور کے قریب ویترنا ندی کے کنارے پر پیش آیا۔

شارک کے حملے میں زخمی ہونے والے نوجوان کی شناخت وکی گواری (عمر۳۲ سال) کے طور پر ہوئی ہے۔ موصولہ اطلاع کے مطابق وکی منگل کی دوپہر ویترنا ندی میں مچھلی پکڑنے گیا تھا۔ ماہی گیری کے دوران وکی پر تقریباً ۴؍فٹ لمبی اور ۲۰۰؍ کلوگرام سے زیادہ وزنی شارک نے حملہ کیا۔ جس میں وکی کی ٹانگ شدید زخمی ہوگئی۔ میڈیا رپورٹس کے مطابق شارک نے وکی کی بائیں ٹانگ پر حملہ کیا جس کا زخم تقریباً چار انچ گہرا ہے؛ طبی عملے نے بتایا ہے کہ اس کی زخمی ٹانگ کو گھٹنے سے نیچے کاٹنا پڑا گا۔ فی الحال وہ سلواسا کے ونوبا بھاوے اسپتال میں زیرعلاج ہے جہاں اس کی حالت تشویشناک بتائی جارہی ہے۔

Palghar fisherman bit by 4-foot-long shark in Vaitarna#SharkAttack #Fisherman #Vaitarna #Palghar #PalgharNews #MiddayNews https://t.co/eQXKIZDVAU pic.twitter.com/nSCjw8gCdF

— Mid Day (@mid_day) February 14, 2024