مہاراشٹر کے پونے میں ۲۴؍ سے۲۶؍فروری تک  ۳؍ روزہ ’مہاراشٹرا بہت چھوٹی، چھوٹی اور درمیانے درجے کی صنعت (ایم ایس ایم ای) ڈیفنس ایکسپو‘ کا انعقاد کیا جائے گا۔

مہاراشٹر کے پونے میں ۲۴؍ سے۲۶؍فروری تک  ۳؍ روزہ ’مہاراشٹرا بہت چھوٹی، چھوٹی اور درمیانے درجے کی صنعت (ایم ایس ایم ای) ڈیفنس ایکسپو‘ کا انعقاد کیا جائے گا۔ اس پروگرام کا مقصد دفاعی پیداوار کے میدان میں خود کفیل ہندوستان کی ترقی کو مزید مضبوط کرنا اور ریاستی حکومت کے محکمۂ صنعت کے ذریعے مہاراشٹر میں دفاعی آلات تیار کرنے والی بہت چھوٹی، چھوٹی اور درمیانی صنعتوں کو فروغ دینا ہے۔
 یہ مہاراشٹر میں اپنی نوعیت کی پہلی دفاعی نمائش ہوگی، جو ریاست کے ایم ایس ایم ای کو دفاعی مینوفیکچرنگ سیکٹر میں نمایاں تعاون کرنے کے قابل بنائے گی۔ اس کا اہتمام پونے کے بین الاقوامی نمائش اور کنونشن سینٹر میں کیا جا رہا ہے۔
 دفاعی پروڈکشن کے شعبے میں جدید ٹیکنالوجی اور مہارت رکھنے والی صنعتوں کے باہمی ربط کو فروغ دینے کیلئے  تینوں مسلح افواج یعنی بحریہ، فوج اور فضائیہ اس میں اہم کردار ادا کرنے جا رہی ہیں۔ دو سو سے زیادہ بہت چھوٹے، چھوٹے اور درمیانے درجے کے کاروباری ادارے، اسٹارٹ اپس اور انجینئرنگ کے ۲۰؍ ہزار سے زائد طلباء علم اور ہنر کے تبادلے کیلئے  یکجا ہوں گے۔
ریاست میں۸۸ء۳۹؍لاکھ ایم ایس ایم ای  کا مضبوط نیٹ ورک ہے، جن میں سے۷۶ء۱۰۸؍ لاکھ ملازمت ادیم پورٹل پر درج ہیں۔ ایم ایس ایم ای ڈیفنس ایکسپو ایسی صنعتوں کو اپنے ہنر اور صلاحیتوں کو ظاہر کرنے اور دفاعی صنعت میں کلیدی فریقین کے ساتھ جڑنے کیلئے ایک وقف پلیٹ فارم فراہم کرے گا۔