منی پور کے وزیر اعلیٰ این بیرن سنگھ نے منی پور کے حالات پر گفتگو کرنے کیلئے ۱۰؍ سیاسی پارٹیوں کے نمائندوں کے ساتھ میٹنگ منعقد کی ۔ انہوں نے کہا کہ میٹنگ میں حالات سے نمٹنے کیلئے سیر حاصل گفتگو کی گئی اور ریاست کے حالات کو بہتر بنانے کیلئے ایک ساتھ مل کر کام کرنے کی اہمیت پرزور دیا گیا۔

منی پور کے وزیر اعلیٰ این بیرن سنگھ نے ۱۰؍ سیاسی پارٹیوں کے نمائندوں کے ساتھ تشدد زدہ منی پور کے حالات سے نپٹنے کیلئے گفتگو کرنے کیلئے میٹنگ منعقد کی ہے۔ انہوں نےمیٹنگ کے تعلق سے کہا کہ میں نے تشدد زدہ منی پور کے حالات پر گفتگو کرنے کیلئے ۱۰؍ سیاسی پارٹیوں کے نمائندوں کے ساتھ اپنے دفتر میں میٹنگ منعقد کی ۔ نمائندوں کے ساتھ سیر حاصل گفتگو کی گئی ہے۔ ریاست کے حالات سے نپٹنے کیلئے میٹنگ میں ایک ساتھ مل کرکام کرنے کی اہمیت پر زور دیا گیا ہے۔

Chaired a meeting with representatives of the 10 political parties at my secretariat to address the current situation in Manipur.

Constructive discussions were held, reflecting a united commitment to navigate challenges and work collectively for the well-being of our state. pic.twitter.com/xrIIn5C18V

— N.Biren Singh (@NBirenSingh) January 21, 2024

اتوار کو منعقد کی گئی اس میٹنگ کے بعد کانگریس قانون ساز پارٹی کے لیڈر اوکرام ابودی نے کہا کہ ۱۰؍ سیاسی پارٹیوں کے نمائندوں نے وزیر اعلیٰ پر زور دیا ہےکہ وہ وزیر اعظم نریندر مودی سے ملاقات کرنے کا مطالبہ کریں اور اس معاملے میں ان کی مداخلت کو بھی یقینی بنائیں۔ 
ابودی نے مزید کہا کہ ریاست کے لوگوں کی جانوں کی حفاظت کرنا ریاستی حکومت کی اولین ترجیح ہے اور ریاست کے پاس یہ بھی حق ہے کہ وہ مرکز سے اس مقصد کیلئے ضروری انسانی مدد اور آلات کی مانگ کرے۔میٹنگ میں ٹی ایم سی، سی پی آئی اور آپ کے نمائندے بھی موجود تھے۔ 
خیال رہے کہ منی پور میں ۳؍ مئی کو تشدد پھوٹ پڑا تھا جس کے نتیجے میں ۱۸۰؍ سے زائد جانیں گئی تھیں جبکہ کئی افراد زخمی ہوئے تھے۔ ریاست میں بے گھر ہونے والوں کی تعداد بھی غیر معمولی تھی۔وزیر اعلیٰ نے اتوار کو ریاستی وزیروںاور ایم ایل ایز کے ساتھ بھی میٹنگ منعقد کی تھی۔