میئر ممدانی نے اسرائیل کے ذریعے حراست میں لیے گئے نیویارک کے باشندوں کی فوری رہائی کا مطالبہ کیا ہے،ان کا کہنا ہے کہ زیتون کی کٹائی غیر قانونی نہیں ہے، قبضہ غیر قانونی ہے۔

نیویارک سٹی کے میئر ظہران ممدانی نے بدھ کے روز اسرائیل کی طرف سے حراست میں لیے گئے نیویارک والوں کی فوری رہائی کا مطالبہ کیا جو مقبوضہ مغربی کنارے میں زیتون کی فصل کے دوران فلسطینی کسانوں کے ساتھ تھے۔امریکی سوشل میڈیا پلیٹ فارم ایکس پر پوسٹ کیے گئے ایک بیان میں، ممدانی نے کہا کہ ڈیموکریٹک امریکی کانگریس کے نامزد امیدوار بریڈ لینڈر، ربیعوں اور دیگر نیویارک والوں نے اسرائیلی حکومت کے ذریعے حراست میں لیے جانے سے پہلے فصل کی کٹائی کے دوران فلسطینی کسانوں کا ساتھ دیا تھا۔انہوں نے کہا، زیتون کی کٹائی غیر قانونی نہیں ہے۔ قبضہ  غیر قانونی ہے۔تاہم انہوں نے لینڈر کی رہائی کا خیرمقدم کیا لیکن کہا کہ دیگر نیویارک والے حراست میں ہیں۔انہوں نے کہا، ’’میں شکر گزار ہوں کہ بریڈ کو رہا کر دیا گیا ہے۔ لیکن دیگر نیویارک والے حراست میں ہیں، اور انہیں فوری طور پر رہا کیا جانا چاہیے۔‘‘

یہ بھی پڑھئے: غزہ کے باشندوں کو پیرس پہنچانے والی اے آئی ویڈیو پر فرانس کی بن گویر پر تنقید

بعد ازاں ممدانی نے اسرائیل پر فلسطینیوں کے خلاف نسل کشی کا الزام لگایا، اور کہا کہ گزشتہچند سالوں کے دوران ۷۴؍ ہزار سے زیادہ افراد ہلاک ہو چکے ہیں۔انہوں نے مزید کہا، ’ان نیویارک والوں کی حراست ختم ہونی چاہیے۔ قبضہ ختم ہونا چاہیے۔ نسل کشی ختم ہونی چاہیے۔‘‘واضح رہے کہ ان کا یہ تبصرہ اس وقت سامنے آیا جب ایک کارکن کے مطابق، اسرائیلی افواج نے بدھ کو ممدانی کے اتحادی لینڈر کو درجنوں کارکنوں اور فلسطینی کسانوں کے ساتھ اس وقت حراست میں لیا، جب وہ مقبوضہ مغربی کنارے میں زیتون کی فصل کاٹنے میں حصہ لے رہے تھے۔
فلسطینی کارکن امیرہ مسلم نے انادولو کو بتایا کہ اسرائیلی افواج نے بیت لحم کے مغرب میں واقع حسان قصبے میں زیتون کی کٹائی کے دوران۴۵؍ غیر ملکی کارکنوں کے ساتھ۲۵؍ اسرائیلی کارکنوں کو بھی حراست میں لیا۔دراصل مغربی کنارے میں فلسطینیوں اور ان کی زمین کے خلاف قابض اسرائیلیوں  کے حملے زیتون کی فصل کے موسم میں شدت اختیار کر جاتے ہیں۔ ان حملوں میں کسانوں پر حملہ کرنا، انہیں اپنی زمین تک رسائی سے روکنا، فصلیں چرانا اور درختوں کو نقصان پہنچانا شامل ہے۔
فلسطینی اعداد و شمار بتاتے ہیں کہ۷۵۰۰۰۰؍ اسرائیلی قابض مغربی کنارے میں، بشمول مشرقی یروشلم،۱۹۴؍ بستیوں اور۴۰۰؍ چوکیوں میں رہتے ہیں۔