بچوں اور خواتین کی حفاظت کے لئے گورنمنٹ ریلوے پولیس (جی آر پی) کا ہیلپ لائن نمبر ۱۵۱۲؍ پر فون کرنے اور ’خاکی سکھی‘ (وردی والی دوست) پر بھروسہ کرنے کا نعرہ۔ فیس بک ، وہاٹس ایپ اور انسٹا گرام پر بھی مدد لی جاسکتی ہے۔نئے سال کے موقع پر مزیدچوکسی برتنےکا دعویٰ۔

جی آر پی کی جانب سے ہیلپ لائن نمبر کے ساتھ یہ بھی لکھا گیا کہ ’’آ پ محفوظ ہیں،وجہ ہیلپ لائن نمبر سے محض ایک کال دور ہیں۔ہم آپ کے بھروسے کو ٹوٹنے نہیں دیں گے۔فیس بُک پر https://www.facebook.com/mumbaigrp

ایکس پر http://twitter.com/grpmumbai

انسٹا گرام پر

https://www.instagram.com/grpmumbai پربھی رابطہ قائم کیا جاسکتاہے۔

گورنمنٹ ریلوے پولیس کی جانب سے بچوں کی حفاظت کےلئے ۵؍اہم نکات پرتوجہ دلائی گئی ہے ۔ (۱) بھیڑبھاڑ کے دوران بچوں کاہاتھ نہ چھوڑیں (۲) نا معلوم شخص پربھروسہ مت کیجئے (۳) بچوں کو اپنا نام اور والدین یا ذمہ داران کا نام اور موبائل نمبر یاد رکھنے یا پاس رکھنے کی ہدایت دیجئے (۴) کوئی بھی اجنبی یا مشتبہ شخص حال چال پوچھے یا چھوٹے بچوں کے تعلق سے مشکوک نظرآئے تو بلاتاخیر ہیلپ لائن نمبر پر رابطہ قائم کیجئے (۵) آپ کی چوکسی بڑے حادثے کو ٹالنے اور بچوں وخواتین کی حفاظت کا باعث ہوگی ۔ 

یہ ہدایات ریلوے پولیس کمشنر ایم کلا ساگر کی ہدایات پردی گئی ہیںاورمسافرو ں کویہ یقین دلایا گیا ہے کہ وہ بیدار رہتے ہوئے بے فکر ہوکر سفر کریں، ریلوے پولیس ان کی خدمت اورنئے سال کے جشن کے لئے ان کی نگرانی پرمامور ہے۔