ستیہ ناڈیلا کابڑا اعلان کیا۔مائیکروسافٹ کے سی ای او ستیہ نڈیلا نے وزیر اعظم نریندر مودی سے ملاقات کی اور ہندوستان میں مصنوعی ذہانت کی صلاحیتوں کو فروغ دینے کے لیے۵ء۱؍ لاکھ کروڑ سے زیادہ کی سرمایہ کاری کا وعدہ کیا۔

مائیکروسافٹ کے سی ای او ستیہ نڈیلا نے وزیر اعظم نریندر مودی سے ملاقات کی اور ہندوستان میں مصنوعی ذہانت کی صلاحیتوں کو فروغ دینے کے لیے۵ء۱؍ لاکھ کروڑ سے زیادہ کی سرمایہ کاری کا وعدہ کیا۔  یہ ایشیا میں مائیکروسافٹ کی اب تک کی سب سے بڑی سرمایہ کاری ہوگی۔ اس سرمایہ کاری سے ہندوستان میں ٹیکنالوجی کی ترقی کو فروغ ملے گا۔ مائیکرو سافٹ کے سی ای او ستیہ نڈیلا نے بدھ کی شام وزیر اعظم نریندر مودی سے ملاقات کی۔ میٹنگ کے بعد، نڈیلا نے مصنوعی ذہانت کی صلاحیتوں کو فروغ دینے کے لیے ہندوستان میںساڑھے ۱۷؍  بلین ڈالرس  کی سرمایہ کاری کا وعدہ کیا۔یہ ایشیا میں امریکی سافٹ ویئر کمپنی (مائیکروسافٹ) کی اب تک کی سب سے بڑی سرمایہ کاری ہے۔مائیکروسافٹ نے ہندوستان میں بڑی سرمایہ کاری کا وعدہ کیا ہے۔
نڈیلا نے ایکس  پر کہا کہ ’’ہندوستان کے اے آئی  مواقع پر متاثر کن گفتگو کے لیے پی ایم نریندر مودی کا شکریہ۔ملک کے اہداف کی حمایت کرنے کے لیے، مائیکروسافٹ ہندوستان کے  اے آئی کے مستقبل کے لیے درکار بنیادی ڈھانچے، مہارتوں اور خود مختار صلاحیتوں کی تعمیر میں مدد کے لیے۵ء۱۷؍  بلین امریکی ڈالر (ایشیا میں آج تک کی ہماری سب سے بڑی سرمایہ کاری) کا وعدہ کر رہا ہے۔‘‘

یہ بھی پڑھئے:کرسٹوفر نولان کی ’’دی اوڈیسی‘‘ کا ریلیز سے پہلے۶؍ منٹ کا تعارف

مائیکروسافٹ کے ایک پروگرام میں بات چیت کرتے ہوئے، نڈیلا نے کہا کہ ’’ہم ڈیٹا سینٹر کی بڑھتی ہوئی صلاحیت کے بارے میں بہت پرجوش ہیں۔ ہمارے پاس پونے، چنئی، اور ممبئی میں پہلے سے ہی سہولیات موجود ہیں۔ ہم حیدرآباد میں اپنے انڈیا ساؤتھ سینٹرل کلاؤڈ ریجن کے بارے میں بھی بہت پرجوش ہیں، جو اگلے سال شروع ہونے والا ہے۔‘‘

یہ بھی پڑھئے:لیورپول اور صلاح کا تنازع، قاہرہ میں میچوں کی مقبولیت کو جھٹکا

حیدرآباد انڈیا جنوبی وسطی کلاؤڈ ریجن کا آغاز ہوا 
حیدرآباد میں مائیکروسافٹ کا انڈیا ساؤتھ سینٹرل کلاؤڈ ریجن ۲۰۲۶ء کے وسط میں کام کرنے کی امید ہے۔ نڈیلا نے کہا کہ ہم نے جو سرمایہ کاری کی ہے اس کے بارے میں ہم بہت پرجوش ہیں۔ مجھے کل (منگل) وزیر اعظم مودی سے ملاقات کرنے کا موقع ملا اور سرمایہ کاری میں ہماری دلچسپی پر تبادلہ خیال کیا۔مائیکروسافٹ ہندوستانی صارفین کے لیے خودمختار پبلک کلاؤڈ اور خودمختار پرائیویٹ کلاؤڈ خدمات شروع کر رہا ہے کیونکہ ہندوستان ڈجیٹل پرسنل ڈیٹا پروٹیکشن ایکٹ کے نفاذ کی تیاری کر رہا ہے۔ میرے خیال میں لوگوں کے لیے یہ سمجھنا ضروری ہے کہ عالمی سطح کی سائبر سیکوریٹی اور لچک کو یقینی بنانے کے ساتھ ساتھ خودمختاری ضروری ہے۔‘‘