مائیکروسافٹ نے دنیا بھر میں اپنے ایکس باکس کنسولز کی قیمتوں میں اضافہ کر دیا ہے۔ کمپنی کا کہنا ہے کہ مصنوعی ذہانت (اے آئی ) کے ڈیٹا سینٹرز کی بڑھتی ہوئی طلب کے باعث میموری اور اسٹوریج چپس کی قیمتوں میں نمایاں اضافہ ہوا ہے۔

مائیکروسافٹ نے دنیا بھر میں اپنے ایکس باکس کنسولز کی قیمتوں میں اضافہ کر دیا ہے۔ کمپنی کا کہنا ہے کہ مصنوعی ذہانت (اے آئی ) کے ڈیٹا سینٹرز کی بڑھتی ہوئی طلب کے باعث میموری اور اسٹوریج چپس کی قیمتوں میں نمایاں اضافہ ہوا ہے۔ اس سے ظاہر ہوتا ہے کہ اے آئی کی تیزی سے بڑھتی ہوئی صنعت اب صارفین کی الیکٹرانک مصنوعات پر بھی اثر انداز ہو رہی ہے، اور گیمرز کو جی ٹی اے ۶؍ کی متوقع ریلیز سے پہلے زیادہ قیمتیں ادا کرنا پڑ سکتی ہیں۔
مائیکروسافٹ نے اعلان کیا ہے کہ یکم اگست سے دنیا بھر میں ایکس باکس کنسولز کی نئی قیمتیں نافذ ہوں گی۔ کچھ ماڈلز کی قیمت میں ۱۵۰؍ امریکی ڈالر تک اضافہ کیا گیا ہے کیونکہ اہم پرزوں کی لاگت مسلسل بڑھ رہی ہے۔
 ایکس باکس کی قیمتیں کیوں بڑھ رہی ہیں؟
 کمپنی کے مطابق، میموری اور اسٹوریج چپس کی قیمتیں ڈھائی گنا سے زیادہ بڑھ چکی ہیں۔ مائیکروسافٹ کا کہنا ہے کہ  اے آئی کمپنیاں جنریٹو اے آئی  ماڈلز چلانے والے ڈیٹا سینٹرز کے لیے بڑی مقدار میں جدید میموری خرید رہی ہیں، جس کے باعث صارفین کے لیے الیکٹرانک مصنوعات بنانے والی کمپنیوں کی پیداواری لاگت میں نمایاں اضافہ ہو گیا ہے۔

یہ بھی پڑھئے:سائی سدرشن کی سنچری، انڈیا ’اے‘ کی پوزیشن مضبوط

 اے آئی  الیکٹرانکس کی مارکیٹ کو بدل رہا ہے
ایکس باکس کی قیمتوں میں اضافہ صارفین کی ٹیکنالوجی کی صنعت میں بڑھتے ہوئے اسی رجحان کی ایک مثال ہے، جو ظاہر کرتا ہے کہ اے آئی   کے لیے تیار کیے جانے والے انفراسٹرکچر کا اثر اب روزمرہ استعمال کی ڈیوائسز پر بھی پڑنے لگا ہے۔ گیمنگ کنسولز، لیپ ٹاپ، اسمارٹ فونز اور اے آئی   سرورز سب ایک جیسی میموری اور اسٹوریج چپس استعمال کرتے ہیں۔ جیسے جیسے اے آئی  کمپنیاں نئے ڈیٹا سینٹرز پر اربوں ڈالر کی سرمایہ کاری کر رہی ہیں، ان پرزوں کی طلب میں شدید اضافہ ہو گیا ہے، جس کے نتیجے میں پوری سپلائی چین میں قیمتیں بلند ہو رہی ہیں۔

یہ بھی پڑھئے:ڈونالڈ ٹرمپ کے غزہ امن بورڈ پر فلسطینی ریاست کے قیام کے امکان کوکچلنے کا الزام

 جی ٹی اے ۶؍ قیمتوں میں مزید اضافے کا سبب بن سکتا ہے
اس اعلان کا وقت بھی خاص اہمیت رکھتا ہے۔ توقع کی جا رہی ہے کہ راک اسٹار گیمز  رواں سال گرینڈ تھیفٹ آٹو ۵؍  جاری کرے گی، جس سے دنیا بھر میں گیمنگ کنسولز کی طلب میں نمایاں اضافہ ہو سکتا ہے۔ گیمنگ ہارڈویئر کی بڑھتی ہوئی طلب اور میموری چپس کی مسلسل قلت کے باعث کنسولز کی قیمتیں مزید عرصے تک بلند رہ سکتی ہیں۔ صارفین کے لیے مائیکروسافٹ کا یہ تازہ اعلان اس بات کی یاد دہانی ہے کہ اے آئی   کی دوڑ صرف چیٹ بوٹس تک محدود نہیں رہی، بلکہ اب یہ ان الیکٹرانک ڈیوائسز کی قیمتوں پر بھی اثر ڈال رہی ہے جو لوگ روزمرہ زندگی میں استعمال کرتے ہیں۔