وزیرِاعظم نریندر مودی نے اتوار کو ملائیشیا کے ممتاز صنعتکاروں کے ساتھ وسیع تبادلۂ خیال کیا، جس میں ہندوستان کی ترقی کی سمت کو اجاگر کرتے ہوئے ملائیشین کمپنیوں کو ہندوستانی معیشت کے کلیدی شعبوں میں زیادہ شمولیت کی دعوت دی۔

وزیرِاعظم نریندر مودی نے اتوار کو ملائیشیا کے ممتاز صنعتکاروں کے ساتھ وسیع تبادلۂ خیال کیا، جس میں ہندوستان کی ترقی کی سمت کو اجاگر کرتے ہوئے ملائیشین کمپنیوں کو ہندوستانی معیشت کے کلیدی شعبوں میں زیادہ شمولیت کی دعوت دی۔  
وزیرِاعظم نے تن سری تنگکو محمد توفیق (صدر و گروپ سی ای او، پیٹروناس)، تن سری داتو سری ونسنٹ تان چی یون (بانی، برجایا کارپوریشن برہاد)، داتو امیرالفیصل وان ظاہر (منیجنگ ڈائریکٹر، خزانہ نیشنل برہاد)، اور داتو پوا کھین سینگ (بانی، فیسن الیکٹرانکس) سے ملاقات کی۔ گفتگو کے دوران وزیرِاعظم مودی نے ہندوستان-ملائیشیا بزنس تعلقات کے مسلسل فروغ کا خیرمقدم کیا اور نوٹ کیا کہ ملائیشین کمپنیوں کو ہندوستان کی طویل مدتی ترقیاتی کہانی میں گہری دلچسپی ہے۔ انہوں نے حالیہ برسوں میں کیے گئے اصلاحات کی تفصیل بیان کی، جن کا مقصد کاروبار میں آسانی، مستحکم اور پیش گوئی کے قابل پالیسی ماحول پیدا کرنا ہے۔  
وزیرِاعظم نے کہاکہ آج کا ہندوستان اصلاحات، ڈجیٹلائزیشن اور مضبوط بنیادی ڈھانچے سے چلنے والا شفاف اور مستقبل بین کاروباری نظام پیش کرتا ہے۔ میں ملائیشین کمپنیوں کو دعوت دیتا ہوں کہ وہ انفراسٹرکچر، قابلِ تجدید توانائی، ڈجیٹل ٹیکنالوجی، سیمی کنڈکٹرز، مصنوعی ذہانت اور صحت کے شعبوں میں وسیع مواقع تلاش کریں۔  انہوں نے کوالالمپور میں منعقدہ ۱۰؍ویں ہندوستان-ملائیشیا سی ای او فورم کی بھی تعریف کی اور یقین ظاہر کیا کہ اس کے مباحثے ٹھوس نتائج میں ڈھلیں گے۔ سی ای او فورم جیسے پلیٹ فارم تجارتی و سرمایہ کاری شراکت داری کو گہرا کرنے اور کاروباری ترجیحات کو ہماری مشترکہ اقتصادی وژن کے ساتھ ہم آہنگ کرنے میں اہم کردار ادا کرتے ہیں۔ 

یہ بھی پڑھئے:نصیرالدین شاہ کے یونیورسٹی تنازع پر منوج منتشر کا ردعمل

ملائیشین صنعتکاروں نے ہندوستانی حکومت کے اصلاحاتی ایجنڈے اور ’’وکسِت بھارت‘‘ کے وژن کی تعریف کی۔ انہوں نے ہندوستان کی اقتصادی امکانات پر بھرپور اعتماد ظاہر کیا اور ملک میں اپنی موجودگی بڑھانے کی خواہش کا اظہار کیا۔ ایک صنعتکار نے کہاکہ  ہندوستان کا پیمانہ، ٹیلنٹ پول اور پالیسی میں تسلسل اسے طویل مدتی سرمایہ کاری کے لیے پرکشش مقام بناتا ہے۔‘‘

یہ بھی پڑھئے:آرسنل کی فتوحات کا سلسلہ برقرار، سنڈر لینڈ کو شکست،۹؍ پوائنٹس کی برتری

یہ ملاقات ہندوستان اور ملائیشیا کے درمیان بڑھتے ہوئے اقتصادی روابط کے پس منظر میں ہوئی، جہاں توانائی، مینوفیکچرنگ، ٹیکنالوجی اور خدمات کے شعبوں میں دوطرفہ تجارت و سرمایہ کاری مسلسل بڑھ رہی ہے۔ دونوں ممالک نے تجارتی تعلقات کو مزید مضبوط کرنے اور بحرِہند-بحرالکاہل خطے میں پائیدار و جامع ترقی میں تعاون کے عزم کا اعادہ کیا۔