کانگریس کی سینئر لیڈر اور سابق مرکزی وزیر محسنہ قدوائی کا دہلی میں انتقال ہو گیا۔ محسنہ قدوائی نے بدھ کو۹۴؍ سال کی عمر میں آخری سانس لی۔

کانگریس کی سینئر لیڈر اور سابق مرکزی وزیر محسنہ قدوائی کا دہلی میں انتقال ہو گیا۔ محسنہ قدوائی نے بدھ کو۹۴؍ سال کی عمر میں آخری سانس لی۔ ان کے داماد رضی الرحمان قدوائی کے مطابق وہ کئی دنوں سے علیل تھیں ۔ ان کی تدفین نظام الدین کے قبرستان میں شام تقریباً۵؍ بجے کی جائے گی۔ وہ بنیادی طور پر اتر پردیش کے بارہ بنکی کی رہنے والی تھیں، تاہم، میرٹھ سے دو بار رکن پارلیمنٹ منتخب ہوئیں۔ بعد ازاں انہوں نے سدھارتھنگر کی ڈومریاگنج لوک سبھا سیٹ سے بھی الیکشن لڑا۔ کانگریس کے دور اقتدار میں وزیر کی حیثیت سے کئی اہم عہدوں پر فائز رہنے اور پارٹی کو مضبوط کرنے والی محسنہ قدوائی کا میرٹھ سے گہرا تعلق تھا۔ 

पूर्व केंद्रीय मंत्री और पूर्व सांसद मोहसिना किदवई जी के निधन का समाचार अत्यंत दुखद है।

वे कांग्रेस पार्टी की एक अत्यंत वरिष्ठ और वफ़ादार नेता थीं, जिनका पूरा जीवन जनसेवा का उदाहरण रहा है। अपनी सादगी, सौम्यता और गरिमापूर्ण राजनीतिक सफलता से उन्होंने देश की महिलाओं की कई पीढ़ियों… pic.twitter.com/jk1umtTLHc

— Rahul Gandhi (@RahulGandhi) April 8, 2026

راہل گاندھی کا اظہار تعزیت
اس خبر پر ردعمل ظاہر کرتے ہوئے کانگریس لیڈر راہل گاندھی نے افسوس کا اظہار کرتے ہوئے پارٹی کی سینئر سیاستداں کو خراج عقیدت پیش کیا۔ انہوں نے ایکس پر لکھا کہ ’’سابق مرکزی وزیر اور سابق ایم پی محسنہ قدوائی جی کے انتقال کی خبر انتہائی دل شکن ہے۔ وہ کانگریس پارٹی کی ایک انتہائی سینئر اور وفادار لیڈر تھیں جن کی پوری زندگی عوامی خدمت کیلئے وقف رہی۔ اپنی سادگی، نرمی اور باوقار سیاسی کامیابی سے انہوں نے ملک کی خواتین کی کئی نسلوں کو متاثر کیا۔ اس دکھ کی گھڑی میں میں ارکان خاندان اور ان کے حامیوں کے ساتھ کھڑا ہوں۔ ‘‘