ریلائنس انڈسٹریز کے چیئرمین اور منیجنگ ڈائریکٹر مکیش امبانی نے کہا ہے کہ ٹیلی کام سیکٹر کے جیو میں بھاری سرمایہ کاری کرنا ان کے کریئر کا ’سب سے بڑا جوکھم‘ تھا۔

ریلائنس انڈسٹریز کے چیئرمین اور منیجنگ ڈائریکٹر مکیش امبانی نے کہا ہے کہ ٹیلی کام سیکٹر کے جیو میں بھاری سرمایہ کاری کرنا ان کے کریئر کا ’سب سے بڑا جوکھم‘ تھا۔ اس وقت بہت سے تجزیہ کار اس کی کامیابی پر شکوک و شبہات کا اظہار کر رہے تھے۔ ان کا کہنا تھا کہ ہندوستان ایسی جدید ڈجیٹل ٹیکنالوجی کے لیے تیار نہیں ہے۔ انہوں نے کہا کہ’’اگرچہ  جیو میں سرمایہ کاری کسی وجہ سے متوقع فوائد نہیں دے سکتی ہے، تب بھی اسے ہندوستان کو ڈجیٹل بنانے کی طرف ایک بڑا قدم سمجھا جائے گا۔‘‘ امبانی نے میک کینسی اینڈ کمپنی کو انٹرویو دیتے ہوئے اس کا انکشاف کیا۔انہو ںنے مزید کہا کہ ریلائنس جیو میں سرمایہ کاری کا فیصلہ آسان نہیں تھا۔ اس وقت، ہم اپنا پیسہ خود لگا رہے تھے اور میں خود اکثریت کا حصہ دار تھے۔ ہم نے بڑے خطرات مول لیے کیونکہ پیمانے ہمارے لئے بہت اہم تھے اور اہداف بھی بہت زیادہ تھے۔۵؍ جی تکنیک  کے بارے میں بات چیت کرتے ہوئے مکیش امبانی نے کہا کہ  جیو کی ۵؍جی ٹیکنالوجی کا پورا انفراسٹرکچر مکمل طور پر اندرون ملک تیار کیا گیا ہے۔ ہم نے ہر جزو - کور، ہارڈویئر، سافٹ ویئر بنایا ہے۔ ہم نے  ایریکشن اور نوکیاکو صرف۲۰؍فیصد میں شامل کیا ہے تاکہ ہم اپنے سسٹم کو عالمی معیار پر جانچ سکیں۔ میں نے اپنی ٹیم سے کہا، آپ کو ان سے بہتر ہونا پڑے گا۔