ممبئی و مضافات میں موسلادھارش بارش کے پیش نظر کئی علاقوں میں پانی بھر گیا۔ محکمۂ موسمیات (انڈین میٹرلوجیکل ڈپارٹمنٹ) نے ممبئی میٹرپولیٹن ریجن (ایم ایم آر) کیلئے اورینج الرٹ جاری کیا تھا جسے اب ریڈ کردیا گیا ہے۔ لوکل ٹرینوں کی خدمات متاثر ہونے کی وجہ سے مسافروں کو پریشانی کا سامنا کرنا پڑ رہا ہے۔

ممبئی ومضافات میں پیر کو بھاری بارش کے سبب کئی علاقوں میں پانی بھر گیا۔ لوکل ٹرینوں کی خدمات میں خلل پیدا ہوگیا۔ محکمہ موسمیات (انڈین میٹرولوجیکل ڈپارٹمنٹ) نے ممبئی میٹروپولیٹن ریجن (ایم ایم آر) کیلئے اورینج الرٹ جاری کیا ہے۔آئی ایم ڈی نے کہا ہے کہ مالی دارالحکومت میں شدید بارش ریکارڈ کی گئی اور ۴۱؍ تا ۶۱؍ کلومیٹر فی گھنٹہ کی رفتار سے ہوائیں چل رہی تھیں۔

سائن اور ماٹنگا کے درمیان گاندھی مارکیٹ میں ٹریفک جام دیکھا جاسکتا ہے۔ تصویر: پی ٹی آئی

مہاراشٹر کے نائب وزیر اعلیٰ ایکناتھ شندے نے موسلادھارش بارش کے پیش نظر ریاستی انتظامیہ کو ہائی الرٹ پررہنے اور راحت رسانی اور بحالی کے کاموں کی یقین دہانی کرنے کا حکم جاری کیا ہے۔ انہوں نے شہریوں سے اپیل کی ہے کہ ’’ خراب موسم کے پیش نظر جاری کی گئی ہدایات پرعمل کریں، بلا ضرورت گھر سے نہ نکلنے کو ترجیح دیں اور محتاط رہیں۔‘‘ 

یہ بھی پڑھئے: ممبئی کی تنگ گلیوں سے کوڑا کرکٹ اٹھانے کیلئے الیکٹرک آٹو رکشا کا سہارا!

مئی میں سب سے زیادہ بارش
محکمہ ٔ موسمیات نے قلابہ میں ۲۹۵؍ ایم ایم بارش درج کی ہے جو مئی کے مہینے میں سب سے زیادہ ہے اور مئی ۱۹۱۸ء کا ریکارڈ توڑ دیاہے۔ سانتا کروز میں ۷ء ۱۹۷؍ ایم ایم بارش درج کی گئی ہے جو ۲۰۰۰ء میں درج کئے گئے ۸ء ۳۸۷؍ ایم ایم سے زیادہ ہے۔محکمۂ موسمیات نے دادر، ماہم، پریل، باندرہ، کالا چوکی اور شہر کے دیگر حصوں میں موسلادھار بارش، تیز ہوائیں اور بجلی کی پیشین گوئی کی ہے۔ برہن ممبئی مہانگر پالیکا کارپوریشن (بی ایم سی) کے مطابق شہر اور مضافات میں کئی بھی زیادہ پانی نہیں بھرا۔ تاہم، نشیبی علاقوں میں سیلاب جیسی صورتحال تھی۔

🚨🚨 Insane heavy to very heavy #Rainfall #thunderstom over many parts of #Mumbai and sunurb
Some parts have recorded more than 100 mm and water logged ..
Video from #andheri, dombivali #MumbaiRains .more rain possiblr situation may worsen soon. @shetty_athreya @GaikwadMantray pic.twitter.com/9HHjRL3wGq

— Monsoon Tv India weather (@Monsoontv_india) May 26, 2025

لوکل ٹرینوں کی خدمات میں خلل
موسلادھارش بارش کے پیش نظر سینٹرل اور ویسٹرن ریلوے میں ٹرینیں تاخیر سے چل رہی تھیں اور دھند کی وجہ سے سڑکوں پر ٹریفک جام تھا۔سینٹرل ریلوے کے ترجمان نے کہا کہ ’’ موسلادھار بارش اور دھند کی وجہ سے مضافات میں ٹرینیں تاخیر سے چل رہی ہیں۔‘‘ویسٹرن ریلوے کے ترجمان نے کہا کہ ’’مضافات میں لوکل ٹرینوں کی خدمات بحال ہے لیکن چند مسافروں نے سوشل میڈیا پر ٹرینوں کے تاخیر سے چلنے کی شکایت کی ہے۔آئی ایم ڈی ممبئی نے اگلے ۲۴؍ گھنٹوں میں ممبئی میں ہلکی سے معتدل بارش کی پیشین گوئی کی ہے۔ شہری حکام کے مطابق ’’ ممبئی میں اتوار کی رات سے مسلسل بارش ہورہی ہے۔ 

Update on Advance of Southwest Monsoon 2025, today on 26th May 2025:

❖Southwest Monsoon has further advanced into some more parts of central Arabian Sea, some more parts of Maharashtra including Mumbai, Karnataka including Bengaluru, , remaining parts of Tamil Nadu, some parts…

— India Meteorological Department (@Indiametdept) May 26, 2025

Southwest Monsoon Advances to Mumbai Today, 26th May 2025

The Southwest Monsoon has advanced to Mumbai today, 26th May 2025, against the normal date of advancement, 11th June. Thus, the monsoon has arrived in Mumbai 16 days earlier than usual. This marks the earliest monsoon… pic.twitter.com/mVKPUxvMJI

— India Meteorological Department (@Indiametdept) May 26, 2025

ممبئی میں کتنی بارش ریکارڈ کی گئی؟
ممبئی میں اوسطاً ۵۸؍ ایم ایم بارش درج کی گئی ہے۔ گزشتہ ۲۴؍ گھنٹوں میں مشرقی مضافات میں ۱۹؍ ایم ایم اور مغربی مضافات میں ۱۵؍ ایم ایم بارش درج کی گئی ہے۔