ممبئی میں رہائشی مکانوں کی اوسط قیمتوں میں ۷؍فیصد کا صحت مند اضافہ ہوا ہے، بنیادی طور پر اعلیٰ قیمت (ایک کروڑ روپے سے اوپر)والے طبقے میں مستحکم مانگ

ممبئی ریئل اسٹیٹ مارکیٹ نے بھی۲۰۲۵ء کی جولائی-ستمبر سہ ماہی   میں مضبوط ترقی دیکھی۔ نائٹ فرینک انڈیا کی ایک رپورٹ کے مطابق شہر نے تمام سرفہرست ہندوستانی بازاروں میں سب سے زیادہ رہائشی مکانوں کی ریکارڈ فروخت  ہوئی  جب کہ آفس مارکیٹ میں فی ٹرانزیکشن اوسط کرائے میں ۱۱؍ فیصد اضافہ دیکھا گیا  جبکہ لین دین کے حجم میں سال بہ سال    ۲۷؍فیصد کی کمی واقع ہوئی۔
رہائشی مکانوں کی فروخت میں ممبئی سرفہرست ہے 
رپورٹ کے مطابق ممبئی میں تیسری سہ ماہی کے دوران ہندوستان بھر میں سب سے زیادہ رہائشی فروخت کا حجم ۲۴۷۰۶؍ یونٹس ریکارڈ کیا گیا۔ گزشتہ سال کی اسی سہ ماہی کے مقابلے میں نمو صرف۲؍ فیصد تھی۔ رہائشی اکائیوں کی اوسط قیمت میں ۷؍فیصد (سالانہ بنیاد پر) اضافہ ہوا، بنیادی طور پر اعلیٰ قدر والے طبقہ (ایک کروڑ سے اوپر) میں مانگ مستحکم  رہی ہے۔

یہ بھی پڑھیئے:ای گاڑیوں کے خریداروں کو بڑا دھچکا، آج سے آر ٹی او رعایت ختم

نئی لانچ میں کمی
نائٹ فرینک کی رپورٹ کے مطابق ممبئی میں نئی لانچ میں ۱۹؍ فیصد کمی واقع ہوئی۔ ملک بھر میں محدود تعداد میں رہائشی منصوبے بھی شروع کیے گئے، جس کی وجہ نئے لانچوں کے لیے ڈیولپرس کا محتاط رویہ ہے۔ یہ واضح طور پر اشارہ کرتا ہے کہ ڈیولپرس کی ترجیح سرمائے کو محفوظ کرنا اور جلد سے جلد منصوبوں کو مکمل کرنا ہے۔

یہ بھی پڑھیئے:اس ہفتے سونے اور چاندی کی قیمتیں کیسی نظر آئیں گی؟

مارکیٹ کا رجحان کیسا ہے؟
غلام ضیا، سینئر ایگزیکٹیو ڈائریکٹر (ریسرچ، ایڈوائزری، انفراسٹرکچر اور ویلیویشن)، نائٹ فرینک انڈیا کا کہنا ہے کہ مارکیٹ میں بنیادی طور پر پریمیمائزیشن صارفین کی مانگ کی وجہ سے اضافہ ہوا  جبکہ قیمتوں میں اضافے کی بنیاد پر، مانگ مستحکم رہی۔
ممبئی کے آفس مارکیٹ میں کرائے میں اضافہ پریمیم گریڈ اے کی جگہ کی مسلسل مانگ کو ظاہر کرتا ہے۔ یہ مسلسل تیسری سہ ماہی ہے جس میں سال بہ سال کرایہ کی شرحیں مستحکم یا مثبت رہیں۔ تاہم، تیسری سہ ماہی میں دفتری لین دین کا حجم سال بہ سال۲۷؍ فیصد کم ہو کر۹ء۱؍ ملین مربع فٹ رہ گیا۔ سہ ماہی میں ۶ء۱؍ ملین مربع فٹ نئی دفتری جگہ فراہم کی گئی، جو گزشتہ سال کی اسی مدت کے مقابلے میں ۹۴؍ فیصد اضافہ ہے۔