اسمیتا ایجوکیشن اینڈ ہیلتھ کیئر فاؤنڈیشن کے زیر اہتمام اسمیتا انسٹی ٹیوٹ آف آرگینک اینڈ نیچرل فارمنگ کی جانب سے ۶؍ ماہ کے مفت سمندری و قدرتی کھیتی رہنمائی کیمپ کا افتتاح عمل میں آیا۔

اسمیتا ایجوکیشن اینڈ ہیلتھ کیئر فاؤنڈیشن کے زیر اہتمام اسمیتا انسٹی ٹیوٹ آف آرگینک اینڈ نیچرل فارمنگ کی جانب سے ۶؍ ماہ کے مفت سمندری و قدرتی کھیتی رہنمائی کیمپ کا افتتاح عمل میں آیا۔ اسمیتا آرگینک فارمس، چھتر پور، بورڈا، رامٹیک میں منعقدہ اس تقریب کا افتتاح ریاستی وزیر مملکت آشیش جیسوال، سابق رکن راجیہ سبھا  اور کانگریس  کے جنرل سیکریٹری اویناش پانڈے اور زرعی سائنسداں ڈاکٹر ایم این وینوگوپال کے ہاتھوں ہوا۔ اس موقع پر رامٹیک پولیس انسپکٹر راجیش کمار تھورات، تعلقہ زرعی افسر سنیل کورٹے، سابق نگر سیوک کشور جچکڑ، کسان نور علی اور دیگر معززین موجود تھے۔

یہ بھی پڑھئے:بھیونڈی: بلٹ ٹرین منصوبے کے تحت۱۴۰۵؍ ٹن وزنی اسٹیل پُل نصب

اس پروگرام میں اسمیتا آرگینک فارمس کے اسپائس گارڈن کا نام ڈاکٹر وینوگوپال کے اعزاز میں’ ڈاکٹر ایم این وینو گوپال اسپائس گارڈن ‘ رکھنے کا اعلان کیا گیا، ساتھ ہی ممبئی-ناگپور سمردھی مہامارگ کے کنارے  ۷۰۱ ؍کلومیٹر طویل ’نیٹیو بائیو ڈائیورسٹی گرین کوریڈور‘ بنانے کی تجویز پیش کی گئی۔وزیر آشیش جیسوال نے کہا کہ نامیاتی کھیتی ہی کسانوں کے مستقبل کا راستہ ہے۔ اویناش پانڈے نے کہا کہ کھیتی میں سائنسی سوچ اور عملی تجربہ ضروری ہے۔ ڈاکٹر وینوگوپال نے طلبہ کو مٹی، فصل اور موسم کے باہمی رشتے کو سمجھنے کی تلقین کی۔منتظم اور کانگریس لیڈر سیّد مظفر حسین نے کہا کہ یہ صد فیصد مفت کورس عملی تربیت پرمبنی ہے۔ پہلے ہی سیشن میں ریاست بھر سے ۱۵۰ ؍ سے زائد طلبہ کی شرکت حوصلہ افزاء ہے۔