نیپال میں اچانک آئے تباہ کن سیلاب کے بعد اتر پردیش اور بہار میں ہائی الرٹ جاری کردیا گیا ہے، حکام نے زیریں علاقوں میں پانی کے بھاری بہاؤ کی وجہ سے پیدا ہونے والی ممکنہ صورت حال سے نمٹنے کے لیے تیاریاں تیز کر دی ہیں۔

 بدھ کو نیپال کے دریائے بھوٹے کوسی میں اچانک  آنے والے تباہ کن سیلاب نے نوواکوٹ اور دھاڈنگ اضلاع کو تباہ کر دیا، جس نے ہندوستان کی ریاستوں بہار اور اتر پردیش میں الرٹ کی صورتحال پیدا کر دی، جہاں حکام نے نگرانی اور احتیاطی تدابیر میں شدت پیدا کر دی۔ دریائے بھوٹے کوسی، دریائے کوسی نظام کا ایک بالائی معاون دریا ہے، جو نیپال سے بہنے کے بعد شمالی بہار کے ضلع سپول میں داخل ہوتا ہے۔ہندوستانی حکومت نے نیپال-چین سرحد کے قریب مشتبہ گلیشیئل جھیل پھٹنے کے باعث سیلاب (GLOF) کی سرگرمیوں کے درمیان، ہندوستانی سرحد سے تقریباً ۱۶۰؍کلومیٹر دور فرکے کھولا میں نیپال کے دریائے تریشولی کی پانی کی سطح میں اچانک اضافے کی اطلاع کے بعد ایک ایڈوائزری جاری کی۔ ایڈوائزری میں کہا گیا کہ سیلاب کی لہر زیریں علاقوں میں دریائے گنڈک کی طرف بڑھنے کی توقع ہے، تاہم اس کے سفر کے دوران اس کی شدت میں کمی آنے کا امکان ہے۔ 

BREAKING: At least 380 people missing after flash flood hits near Nepal-Tibet border pic.twitter.com/iCRpXJaBAe

— BNO News Live (@BNODesk) August 26, 2026

دریں اثنا، اتر پردیش اور بہار کے حکام نے زیریں علاقوں میں پانی کے بھاری بہاؤ کی وجہ سے پیدا ہونے والی ممکنہ صورت حال سے نمٹنے کے لیے تیاریاں تیز کر دی ہیں۔ واضح رہے کہ نیپال سے بہار میں کئی بڑے دریا بہتے ہیں، جن میں خاص طور پر دریائے گنڈک (جسے نارائنی بھی کہا جاتا ہے) اور دریائے کوسی شامل ہیں۔ یہ دریا ہمالیہ اور تبت سے نکلنے کے بعد ہندوستانی میدانی علاقوں میں داخل ہوتے ہیں۔سیلاب کے الرٹ کے درمیان بہار نے ایڈوائزری جاری کی ۔وزیر اعلیٰ نے صحافیوں کو بتایا، ’’ایک اعلیٰ سطحی ٹیم تشکیل دی گئی ہے۔ چیف سیکریٹری اور ڈی جی پی اس کی نگرانی کر رہے ہیں، اور میں بھی فوری طور پر میٹنگ کر رہا ہوں۔ اگر ضرورت پڑی تو میں خود وہاں جاؤں گا۔‘‘ڈیزاسٹر مینجمنٹ ڈیپارٹمنٹ کے ایک سرکاری بیان میں کہا گیا، ’’نیپال میں دریائے گنڈک کے بالائی طاس میں اچانک سیلاب اور پانی کے بہاؤ میں اچانک اضافے کے امکان کے سبب بہار میں صورتحال کی نگرانی کی جا رہی ہے۔‘‘ 

Nepal Flash Flood: नेपाल में आई बाढ़ में 384 टूरिस्ट लापता हो गए. टूरिज्म बोर्ड ने लिस्ट जारी की है. यह डेटा नेपाल की 10 प्रमुख टूरिज्म एजेंसी से लिया गया है, जिसमें 291 विदेशी (105 भारतीय) और 93 नेपाली नागरिक हैं. बाकी की राष्ट्रीयता की पुष्टि बाकी है.#Nepal #BalenShah #Flood pic.twitter.com/h1bQkbPoQn

— Shailendra Singh (@Shailendra97S) August 26, 2026

بعد ازاں انتظامیہ نے ایک ہدایت بھی جاری کی اور عوام سے اپیل کی کہ وہ گھبرائے بغیر چوکنا رہیں اور سرکاری ہدایات پر سختی سے عمل کریں۔ ہدایات میں کہا گیا، ’’عوام کو گھبرانا نہیں چاہیے، لیکن انتہائی احتیاط برتنی چاہیے۔ دریائے گنڈک کے کنارے اور نشیبی علاقوں میں رہنے والے لوگ غیر ضروری طور پر دریا کے قریب نہ جائیں۔ کسی بھی افواہ کو نظر انداز کریں اور صرف انتظامیہ کی جانب سے جاری کردہ سرکاری معلومات پر بھروسہ کریں۔ پانی کی سطح میں اضافے یا کسی اور انتباہ کی صورت میں، انتظامیہ کی جانب سے جاری کردہ ہدایات پر فوری عمل کریں۔‘‘ بہار کے اضلاع مشرقی چمپارن، مغربی چمپارن، گوپال گنج اور مظفرپور میں حکام نے تیاریوں میں اضافہ کیا، جس میں کمزور علاقوں سے رہائشیوں کو محفوظ مقامات پر منتقل کرنا بھی شامل ہے۔بہار میں ممکنہ سیلاب کے خطرے کے پیش نظر، مرکزی وزیر داخلہ امیت شاہ نے بہار کے وزیر اعلیٰ سمراٹ چودھری سے فون پر بات کی۔ شاہ نے بہار حکومت کو صورتحال سے نمٹنے کے لیے ہر ممکن مدد کی یقین دہانی کرائی۔ نیشنل ڈیزاسٹر رسپانس فورس (NDRF) کو بھی کسی بھی ہنگامی صورت حال کا جواب دینے کے لیے متحرک کیا جا رہا ہے۔

🚨 INDIA, BE CAREFUL! 🇮🇳

A major flood wave has entered Nepal’s Bhote Koshi from the Tibetan side, triggering alerts across the Trishuli basin.

Bhote Koshi → Trishuli → Narayani/Gandak → Bihar → Ganga.

West Champaran, East Champaran, Gopalganj, Saran & Vaishali should… pic.twitter.com/5oayN3emjN

— Megh Updates 🚨™ (@MeghUpdates) August 26, 2026

دوسری جانب اتر پردیش نے نگرانی اور تیاریاں تیز کیںاتر پردیش کے وزیر اعلیٰ یوگی آدتیہ ناتھ نے نیپال میں سیلاب کی صورتحال پر تشویش کا اظہار کیا اور کمزور اضلاع کے مقامی حکام کو چوکنا رہنے کی ہدایت دی۔یوگی نے سوشل میڈیا پلیٹ فارم ایکس پر ایک پوسٹ میں کہا، ’’نیپال کے ضلع راسووا میں دریائے بھوٹے کوسی میں آنے والے تباہ کن سیلاب سے ہونے والا نقصان انتہائی پریشان کن ہے۔ تمام لوگوں کی حفاظت کے لیے بھگوان پشوپتی ناتھ سے دعا ہے۔‘‘وزیر اعلیٰ یوگی نے کہا کہ نیپال کی سرحد سے متصل علاقے کے اضلاع مہاراج گنج اور کشی نگر کو الرٹ کر دیا گیا ہے۔انہوں نے مزید کہا، ’’دریائے گنڈک اور نارائنی کی پانی کی سطح میں اضافے اور اس کے اثرات سے اتر پردیش کے اضلاع مہاراج گنج اور کشی نگر میں سیلاب کے امکان کے پیش نظر، مقامی انتظامیہ کو مکمل طور پر چوکنا رہنے اور ضروری تیاریاں یقینی بنانے کی ہدایات جاری کی گئی ہیں۔‘‘
یاد رہے کہ نیپال سے اتر پردیش میں بہنے والے بڑے دریاؤں میں گھاگھرا (کرنالی)، شاردا (کالی)، گنڈک اور راپتی شامل ہیں۔نیپال ٹورازم بورڈ کے مطابق، سیلاب سے متاثرہ علاقے سے کم از کم۳۸۴؍ مسافر لاپتہ بتائے جاتے ہیں، جن میں۲۹۱؍ غیر ملکی اور۹۳؍ نیپالی شہری شامل ہیں۔ حکام کے مطابق غیر ملکیوں میں۱۰۵؍ ہندوستانی شہری ہیں۔نیپالی میڈیا رپورٹس کے مطابق، سیلاب کا پانی سرحد کے تبت والے حصے سے آیا، جس نے بڑے پیمانے پر نقصان پہنچایا اور نیپال کے کئی دیہات بہا کر لے گئے۔

BREAKING: At least 55 dead and several hundreds missing following a sudden but devastating flash flood in the Northern Rasuwa district in Nepal, with numbers expecting to climb as search and rescue efforts are ongoing. Authorities have stated that the cause of the sudden flash… pic.twitter.com/nwnkVtcMZp

— Knights OSINT (@KnightsOSINT) August 26, 2026

وزیر اعظم نریندر مودی نے نیپال کے وزیر اعلیٰ بالین شاہ سے بات کی اور تباہ کن سیلاب میں جانی نقصان پر تعزیت کا اظہار کیا۔وزیر اعظم مودی نے سوشل میڈیا پلیٹ فارم ایکس پر پوسٹ کیا، "وزیر اعظم بالین شاہ سے بات کی اور نیپال میں سیلاب سے جانی نقصان پر تعزیت کا اظہار کیا۔ ہندوستان کے عوام اس مشکل وقت میں نیپال کے اپنے بھائیوں اور بہنوں کے ساتھ یکجہتی کا اظہار کرتے ہیں۔‘‘ انہوں نے مزید کہا، ’’ہندوستان نیپال کو ہر ممکن انسانی امداد فراہم کرنے کے لیے تیار ہے۔ ہماری ٹیمیں امداد اور بچاؤکی کوششوں پر قریبی ہم آہنگی کر رہی ہیں۔‘‘