آج ناروے کی سرکاری تیل اور گیس کمپنی کا ہیلی کاپٹر تربیتی مہم کے دوران حادثہ کا شکار ہوگیا جس میں ایک سوار ہلاک اور دیگر پانچ افراد زخمی ہوگئے ہیں۔ حادثے پر کمپنی نے اظہارِ افسوس کرتے ہوئے وجوہات کا پتہ لگانے کی یقین دہانی کروائی ہے۔

ناروے کی خبر رساں ایجنسی این ٹی بی کے مطابق سیکور اسکائی ایس ۹۲؍ ہیلی کاپٹر سرکاری تیل اور گیس کمپنی اکوینور اے ایس اے کےتربیتی مہم پر تھا جب یہ ناروے کے دوسرے سب سے بڑے شہر برگن کے قریب بدھ کو دیر گئے حادثہ کا شکار ہوگیا۔ جہاز میں چھ افراد سوار تھے۔ پولیس کے مطابق پانچ افراد کومختلف قسم کی چوٹیں آئی ہیں بشمول ایک جس کی چوٹیں معمولی تھیں، لیکن انہوں نے مزیدکوئی تفصیلات نہیں بتائیں۔ 

🚨 NOW- One Dead, Five Injured in Norwegian Helicopter Crash📍Oslo, Norway |

In a harrowing incident off the coast of western Norway, authorities confirm one fatality and five injuries resulting from a helicopter crash into the ocean.

The Sikorsky S-92 aircraft, operated by… pic.twitter.com/f4M6P5G30n

— Overton (@OvertonLive) February 29, 2024

کم از کم دو بچائو ہیلی کاپٹروں نے زندہ بچ جانے والے اور ہلاک ہونے والے شخص کو نکالا۔ این ٹی بی کے مطابق جمعرات کی صبح اکوینور کے سی ای او اینڈرس اوپیڈل نے ایک بیان جاری کرتے ہوئے اسے ’’ ایک انتہائی المناک واقعہ ‘‘قرار دیا۔ ہیلی کاپٹر میں سوار تمام چھ افراد اکوینور کمپنی کے ملازم تھے۔ حادثے کی وجوہات کی تحقیقات کی جا رہی ہیں۔