مارکیٹ کیپ کے لحاظ سے دنیا کی سب سے بڑی کمپنی اینویڈیا کے سی ای او جینسن ہوانگ دہلی نہیں آئیں گے۔ وہ اگلے ہفتے انڈیا امپیکٹ اے آئی سمٹ میں حصہ لینے کے لیے آنے والے تھے، لیکن اب وہ نہیں آئیں گے۔ آئیے جانیں اس کی وجہ اور سمٹ کے لحاظ سے اینویڈیا کتنی اہم کمپنی ہے۔

انڈیا امپیکٹ اے آئی سمٹ معروف چپ کمپنی  اینویڈیا کے سی ای او جینسن ہوانگ   کا  ہندوستان  کا دورہ فی الحال منسوخ کر دیا گیا ہے۔ وہ اگلے ہفتے دہلی میںانڈیا امپیکٹ اے آئی سمٹ  میں حصہ لینے کے لیے آ رہے تھے۔ اس سمٹ  میں دنیا بھر کی ٹیک انڈسٹری اور سیاسی لیڈروں کے شامل ہونے کی توقع تھی۔ تاہم اب اینویڈیا کے سی ای او شامل نہیں ہوں گے اور اس کا اعلان کمپنی نے خود ہفتہ کو کیا۔ اس سمٹ  کا افتتاح جمعرات کو وزیراعظم  نریندر مودی  کریں گے۔انڈیا امپیکٹ اے آئی سمٹ نئی دہلی کے بھارت منڈپم میں۱۶؍ سے ۲۰؍ فروری ۲۰۲۶ءکے درمیان ہوگا۔

یہ بھی پڑھئے:مارکرم کی طوفانی نصف سنچری، جنوبی افریقہ نے نیوزی لینڈ کو ۷؍ وکٹوں سے ہرا دیا

دہلی کیوں نہیں آ رہے اینویڈیا کے سی ای او 
  اینویڈیا کے سی ای او کے جینسن ہوانگ بدھ کو میڈیا سے خطاب کرنے والے تھے۔ تاہم کمپنی نے ای میل کے ذریعے اطلاع دی کہ وہ غیر متوقع حالات  کی وجہ سے سفر نہیں کر پائیں گے۔ کمپنی نے ان حالات کی تفصیل نہیں بتائی۔  اینویڈیا   کا کہنا ہے کہ فی الحال  جینسن ہندوستان  کا سفر نہیں کر پائیں گے، لیکن کمپنی سمٹ اورہندوستان کے تیزی سے بڑھتے ہوئے اے آئی  ایکو سسٹم کے حوالے سے پوری طرح پرعزم ہے۔

یہ بھی پڑھئے:تاپسی پنّو نے کہا: کنگنا اور اُروشی سے میرا کوئی جھگڑا نہیں

 کمپنی نے بتایا کہ ایگزیکٹیو وائس پریزیڈنٹ  جے پوری  کی قیادت میں  اینویڈیا کے سی ای او کی ایک سینئر ٹیم  ہندوستان  کے بہترین  اے آئی  محققین، اسٹارٹ اپس، ڈیولپرز اور ملک کے اے آئی  انفراسٹرکچر تیار کرنے والے پارٹنرز کے لیے موجود ہوگی۔ واضح رہے کہ  اینویڈیا  کا اے آئی  ایکو سسٹم پر تیز پروسیسنگ جی پی یو سرورز کے ذریعے کافی اثر و رسوخ ہے۔