منگل کو نمازِ مغرب کے بعد ادیشہ کے سمبل پور کی ایک مسجد کے باہر چند شرپسندوں نے اوور بریج سے دستی بم پھینکا جس کے سبب ۳؍ افراد زخمی ہوگئے جبکہ ایک موٹر سائیکل کو زبردست نقصان پہنچا ہے۔ پولیس معاملے کی تفتیش کررہی ہے۔
EPAPER
Updated: March 27, 2024, 1:40 PM IST | Inquilab News Network | Sambalpur
منگل کو نمازِ مغرب کے بعد ادیشہ کے سمبل پور کی ایک مسجد کے باہر چند شرپسندوں نے اوور بریج سے دستی بم پھینکا جس کے سبب ۳؍ افراد زخمی ہوگئے جبکہ ایک موٹر سائیکل کو زبردست نقصان پہنچا ہے۔ پولیس معاملے کی تفتیش کررہی ہے۔
ادیشہ کے سمبل پور میں منگل کی شام ایک مسجد کے قریب بم دھماکے میں کم از کم تین مسلمان زخمی ہو گئے۔ اومکام نیوز کے مطابق نامعلوم افراد نے اوور بریج سے بم پھینکا اور موقع سے فرار ہوگئے۔ سمبل پور کے پیر بابا چوک میں واقع صدر مسجد کے باہر نماز مغرب کے بعد بم پھینکا گیا۔ ایس پی مکیش بھامو نے اومکان نیوز کو بتایا کہ ’’دو افراد کو معمولی چوٹیں آئیں۔ وہ خطرے سے باہر ہیں۔ دھماکے میں ہینڈ بم کا استعمال کیا گیا۔ اب، صورتحال قابو میں ہے۔ تفتیش جاری ہے۔ مجرموں کو جلد گرفتار کر لیا جائے گا۔‘‘ اس دھماکے میں ایک موٹر سائیکل کو نقصان پہنچا ہے۔
Miscreants hurled bomb near a mosque at Pir Baba square in Sambalpur on Tuesday.#Odisha #OmmcomNews https://t.co/bj7vcM7qq1
— Ommcom News (@OmmcomNews) March 26, 2024
پولیس نے یہ بھی اطلاع دی کہ بم ایک باکس میں تھا جس پر مبینہ طور پر ایک انسٹاگرام ہینڈل ’’ایس بی پی مافیا گینگ‘‘ کا نام درج تھا۔ انسٹا گرام پر اس اکاؤنٹ کے بایو میں لکھا ہے، ’’جے شری رام، جے بی جے پی۔‘‘