فوج نے ہندوستانی طیاروں کےنشانہ بنائے جانے کی تردید کی، اعلان کیا کہ تمام پائلٹ بحفاظت لوٹ آئے۔

ہندوستانی فوج کےڈائریکٹر جنرل آف ملٹری آپریشنز  (ڈی جی ایم او) لیفٹیننٹ جنرل راجیو گھئی نے اتوار کو ایک گھنٹہ ۲۵؍ منٹ طویل غیر معمولی پریس کانفرنس میں ’’آپریشن سیندور‘‘کی مکمل کامیابی کا اعلان کیا۔ انہوں نے بتایا کہ تمام اہداف حاصل کرلئے گئے ہیں۔  انہوں نے  سرحد پار دہشت گردوں اوران کے ٹھکانوں پر لگائی گئی کاری ضرب کا حوالہ دیتے ہوئے بتایا کہ آپریشن میں شامل ہندوستان کے تمام پائلٹ  بحفاظت لوٹ آئے ہیں۔ انہوں نے ہندوستانی طیاروں کے نشانہ بنائے جانے کی تردید کی۔