کانگریسی لیڈر پی چدمبرم نے بی جے پی کی مرکزی حکومت پر تفتیشی ایجنسیوں کا غلط استعمال کرنے کا الزام عائد کرتے ہوئے حوالہ دیا کہ الیکشن کے دوران کانگریس کے ۴؍ امیداروں کو یا تو سمن جاری کیا گیا ہے یا ان کے گھروں کی تلاشی لی گئی ہے جبکہ تفتیشی ایجنسی نے بی جے پی کے کسی بھی امیدوار کی تلاشی نہیں لی جس سے واضح ہے کہ بی جے پی کے تمام امیدواروں کا انتخاب دیوتا کرتے ہیں۔

کانگریس کےسینئر لیڈر پی چدمبرم نے بی جے پی کے اقتدار والی مرکزی حکومت پر مرکزی تفتیشی ایجنسیوں کا غلط استعمال کرنے کا الزام عائد کیا ہے اور حوالہ دیا کہ الیکشن کے دوران ان کی پارٹی کے تقریباً ۳؍ تا ۴؍لیڈران کو سمن جاری کیا گیا ہے یا ان کے مکان کے احاطوں کی تلاشی لی گئی ہے۔ چدمبرم نے بی جے پی پر طنز کرتے ہوئے کہا کہ تفتیشی ایجنسیوں نے بی جے پی کے کسی بھی لیڈر کی تلاشی نہیں لی۔ بی جے پی کے تمام امیدواروں کا انتخاب دیوتا کرتے ہیں اور ان کے پاس خدائی نعمتیں ہیں۔ 

At least four Congress Candidates in the Telangana elections were summoned or their premises searched by the investigating agencies in the midst of the election campaign

One of them was the Chairman of the BJP`s Manifesto Committee and resigned from the BJP on November 1

To…

— P. Chidambaram (@PChidambaram_IN) November 25, 2023

کانگریسی لیڈر نے اپنے ایکس پوسٹ پر لکھا ہے کہ الیکشن کے دوران تلنگانہ کے تقریباً۴؍ لیڈران کو تفتیشی ایجنسیوں کی جانب سے سمن جاری کیا گیا ہے یا ان کے احاطوں کی تلاشی لی گئی ہے۔ان میں سے ایک بی جے پی کے منشور کمیٹی کے ممبربھی تھے جنہوں نے یکم نومبر کو بی جے پی سے استعفیٰ دیا تھا۔  

یہ بھی پڑھئے: ملک میں سب سے زیادہ بے روزگار ی تلنگانہ میں ہے: جے رام رمیش

انہوں نے بی جے پی پر طنز کیا کہ میری معلومات کے مطابق تفتیشی ایجنسی نے بی جے پی کے کسی بھی لیڈر کی تلاشی نہیں لی ہے جس سے یہ واضح ہے کہ بی جے پی کے تمام امیداوروں کا انتخاب دیوتا کرتے ہیں اور ان کے پاس خدائی نعمتیں ہیں۔ تاہم، اگر تلنگانہ میں بی جے پی جیت گئی تو پارٹی تلنگانہ کے عوام کو جنت میں لے جائے گی۔ تفتیشی ایجنسیوں کا غلط استعمال کرنے کیلئے قانون کی عدالت میں کوئی بھی دلیل نہیں دینی پڑتی۔ خیال رہے کہ تلنگانہ کے اسمبلی الیکشن ۳۰؍ نومبر کو ہوں گے جبکہ ووٹوں کی گنتی ۳؍ دسمبر کو کی جائے گی۔