سپریم کورٹ میں پانچ سالہ ایل ایل بی کورس کو قومی تعلیمی پالیسی ۲۰۲۰ء کے مطابق چار سالہ ایل ایل بی سے تبدیل کرنے کی درخواست دائر کی گئی ہے۔

سپریم کورٹ نے جمعہ کو چار سالہ ایل ایل بی کورس متعارف کرانے کی ایک درخواست پر سماعت کی۔ ۹ مئی ۲۰۲۵ء کو جسٹس وکرم ناتھ اور سندیپ مہتا کی ڈویژن بنچ نے ایک عوامی مفاد کی درخواست (پی آئی ایل) پر غور کیا جس میں پانچ سالہ ایل ایل بی کورس کو ۲۰۲۰ء میں متعارف کرائی گئی قومی تعلیمی پالیسی (این ای پی ۲۰۲۰ء) کے تحت چار سالہ ایل ایل بی کورس سے تبدیل کرنے کا مطالبہ کیا گیا ہے۔ پی آئی ایل میں کہا گیا کہ این ای پی ۲۰۲۰ء پیشہ ورانہ ڈگریوں کیلئے چار سالہ انڈرگریجویٹ کورسیز کو فروغ دیتی ہے۔ 

پی آئی ایل میں عدالت سے مرکزی حکومت کو ایک لیگل ایجوکیشن کمیشن یا ایکسپرٹ کمیٹی تشکیل دینے کی ہدایت دینے کی درخواست بھی کی گئی ہے جس میں ممتاز ماہرینِ تعلیم، قانون دان، ریٹائرڈ ججز، وکلاء اور پروفیسرز شامل ہوں تاکہ ایل ایل بی اور ایل ایل ایم کورسیز کے نصاب اور دورانیہ کا جائزہ لیا جا سکے۔

یہ بھی پڑھئے: نفرت انگیز تقریر برداشت نہیں کی جا سکتی: سپریم کورٹ نے نشی کانت دوبے کی سرزنش کی

عدالت نے اس معاملہ میں نوٹس جاری کرنے کے بجائے اس پی آئی ایل کو ایک سالہ ایل ایل ایم کورسیز کو تسلیم کرنے سے متعلق ایک دوسرے معاملے کے ساتھ جوڑ دیا ہے۔