تجارت و صنعت کے مرکزی وزیر پیوش گوئل نے ایکسپورٹ پروموشن مشن(ای پی ایم) کے تحت سات اضافی اقدامات کا آغاز کیا، جو محکمہ تجارت کی ایک نمایاں پہل ہے اور چھوٹے، بہت چھوٹے اور درمیانے درجے کے اداروں ( ایم ایس ایم ایز) کو عالمی مارکیٹ میں بااختیار بنانے کے لیے شروع کی گئی ہے۔

تجارت و صنعت کے مرکزی وزیر پیوش گوئل نے جمعہ کو ایکسپورٹ پروموشن مشن(ای پی ایم) کے تحت سات اضافی اقدامات کا آغاز کیا، جو محکمہ تجارت کی ایک نمایاں پہل ہے اور چھوٹے، بہت چھوٹے اور درمیانے درجے کے اداروں ( ایم ایس ایم ایز) کو عالمی مارکیٹ میں بااختیار بنانے کے لیے شروع کی گئی ہے۔ یہ اقدامات  ہندوستانی برآمدکنندگان کو درپیش اہم چیلنجز کو حل کرنے، وسیع اور شمولیتی برآمدی نمو کو فروغ دینے اور ہندوستان کو عالمی سطح پر ایک مسابقتی برآمدی طاقت کے طور پر مضبوط کرنے کے لیے تیار کیے گئے ہیں۔ اس موقع پرکامرس سکریٹری  راجیش اگروال بھی موجود تھے۔ 
سماجی انصاف  کے عالمی دن کے موقع پر شرکاء سے خطاب کرتے ہوئے گوئل نے کہا کہ سماجی انصاف کا مطلب ہے ،ہر پیرامڈ(ہرم) کے سب سے نچلے شخص تک رسائی حاصل کرنا۔ انہوں نے زور دیا کہ شمولیتی ترقی، پسماندہ طبقات کو بااختیار بنانا اور ہندوستان کی تیز رفتار تبدیلی میں پیچھے رہ جانے والوں کو مواقع فراہم کرنا ،حقیقی سماجی انصاف کے حصول کے لیے لازمی ہیں۔

یہ بھی پڑھئے:ٹی ۲۰؍ورلڈ کپ: پاکستان اور نیوزی لینڈ کے درمیان سپر ۸؍ کا بڑا ٹکراؤ

 مرکزی وزیر نے ابھرتی ہوئی ٹیکنالوجیز اور عالمی شراکت داری میں ہندوستان کی بڑھتی ہوئی قیادت پر روشنی ڈالی۔  حال ہی میں ختم شدہ  اے آئی سمٹ کا حوالہ دیتے ہوئے انہوں نے مصنوعی ذہانت اور مستقبل کی ٹیکنالوجیز پر عالمی بات چیت کے مرکز میں ہندوستان کو رکھنے کے لیے وزیر اعظم  نریندر مودی اور متعلقہ وزراء کی تعریف کی۔ انہوں نے کہا کہ مصنوعی ذہانت ، مشین لرننگ ، کوانٹم کمپیوٹنگ ، ڈیٹا سینٹرز اور ملک کی بڑی زبان کے ماڈلز میں پیش رفت ہندوستان کے نوجوانوں کے لیے اہم مواقع بنائے گی اور تمام شعبوں میں سرمایہ کاری کو متحرک کرے گی ۔

یہ بھی پڑھئے:انڈیا اے آئی امپیکٹ سمٹ: اختراعی صلاحیت میں تبدیلی پر غوروخوض

گوئل نے اس بات پر زور دیا کہ ہندوستان کے آزاد تجارتی معاہدوں (ایف ٹی اے) کے بڑھتے ہوئے نیٹ ورک نے ہندوستانی برآمد کنندگان کے لیے مارکیٹ تک رسائی میں نمایاں اضافہ کیا ہے ۔  انہوں نے کہا کہ عالمی جی ڈی پی کا تقریباً ۷۰؍ فیصد اور عالمی تجارت کا دو تہائی حصہ اب امریکہ کے ساتھ دو طرفہ تجارتی معاہدے کی پہلی قسط سمیت نو طے شدہ ایف ٹی اے کے ذریعے ہندوستان کے لیے قابل رسائی ہے ۔  یہ معاہدے ۳۸؍ترقی یافتہ اور ابھرتی ہوئی معیشتوں کے شعبوں میں ترجیحی رسائی فراہم کرتے ہیں ۔