پلاسٹک ری سائیکلنگ شو (پی آر ایس ) انڈیا بھارت ری سائیکلنگ شو(بی آر ایس )۲۰۲۵ء کے پہلے ایڈیشن کے ساتھ  بامبے ایگزیبیشن سینٹرممبئی میں شروع ہوگیا ہے۔ میڈیا فیوژن اور کرین کمیونی کیشنز کے ذریعے ملک کے سب سے بڑے ری سائیکلنگ پر مرکوز پلیٹ فارمز کے طور پر پیش کئے جارہے اس شو میں ۱۵۰؍ نمائش کنندگان، ۸؍ہزار سے زائد صنعتی نمائندے اور۱۰؍ سے زائد ممالک کے شرکاء شامل تھے۔ ان شرکاء نے اہم ری سائیکلنگ ٹیکنالوجیز اور اس کے حل پر غور کیا۔  

اس پروگرام کےموقع پر سدھیش کدم (چیئرمین، مہاراشٹر آلودگی کنٹرول بورڈ) نے کہا کہ ’’مہاراشٹر ماحولیاتی قیادت میں سب سے آگے رہا ہے، جو سنگل یوز پلاسٹک پر پابندی کو نافذ کرنے والی ہندوستان کی پہلی ریاست بھی ہے۔ ری سائیکلنگ مستقبل کی نمائندگی کرتی ہے اور ایک حقیقی معیشت کی بنیادبھی ہے۔ موسمیاتی تبدیلی کے نمایاں اثرات، بارش کے  پیٹرن کا ماحولیات پر اثر اور درجہ حرارت میں تبدیلی سے لے کر موسمیاتی تبدیلیوں کے اثرات میں پلاسٹک کے کردار اور صنعت کی ذمہ داریوں پر اس پروگرام میں گفتگو کی جائے گی۔ ‘‘

سدھیش کدم نے کہا کہ مہاراشٹر حکومت  ری سائیکلنگ اور وسائل کے انتظام میں نوجوانوں کی قیادت کرنے والے اسٹارٹ اپس کو سپورٹ کرنے کے لیے انکیوبیشن ہب تیار کر رہی ہے۔ اس طرح کے اقدامات اور پلیٹ فارم پلاسٹک کی ری سائیکلنگ میں ہندوستان کی ترقی اور اس کے عزم کو ظاہر کرتے ہیں۔